پی اے سی کی ذیلی کمیٹی کا اجلاس، وزارت توانائی (پاورڈویژن) کے ڈسٹری بیوشن کمپنیوں سے متعلقہ زیر التوا بیشترآڈٹ اعتراضات نمٹا دیئے گئے

منگل 12 مئی 2020 16:01

اسلام آباد (اُردو پوائنٹ اخبارتازہ ترین - اے پی پی۔ 12 مئی2020ء) پارلیمنٹ کی پبلک اکاؤنٹس کمیٹی کی ذیلی کمیٹی کا اجلاس منگل کو پارلیمنٹ ہائوس میں کمیٹی کے کنوینئر سیّد نوید قمر کی زیر صدارت ہوا۔ اجلاس میں کمیٹی کے رکن سردار ایاز صادق سمیت متعلقہ سرکاری اداروں کے افسران نے شرکت کی۔

(جاری ہے)

اجلاس میں وزارت توانائی (پاورڈویژن) کے ڈسٹری بیوشن کمپنیوں سے متعلقہ زیر التوا آڈٹ اعتراضات کا جائزہ لیا گیا۔ اجلاس میں تفصیلی جائزہ کے بعد بیشتر آڈٹ اعتراضات نمٹا دیئے گئے اور متعلقہ وزارت اور اس کے ماتحت اداروں کو ہر ممکن طریقہ سے مالیاتی نظم و نسق بہتر بنانے کی ہدایت کی گئی۔ پی اے سی نے تمام اداروں کو محکمانہ آڈٹ کمیٹیوں کے اجلاس باقاعدگی سے منعقد کرنے کی بھی ہدایت کی۔