ڈاکٹر طاہرالقادری کا ڈاکٹر محمد نصیر رانا کے انتقال پر افسوس کا اظہار

ہفتہ 16 مئی 2020 23:51

لاہور (اُردو پوائنٹ اخبارتازہ ترین - آن لائن۔ 16 مئی2020ء) قائد تحریک منہاج القرآن ڈاکٹر محمد طاہرالقادری نے شعبہ طب کی معروف شخصیت،سابق ایڈیشنل ایم ایس(پنجا ب کارڈیالوجی) ڈاکٹر محمد نصیر رانا کے انتقال پر گہرے دکھ اور افسوس کا اظہار کرتے ہوئے مرحوم کی بخشش اور درجات کی بلندی ے لیے دعا کی ہے۔

(جاری ہے)

ڈاکٹر محمد طاہر القادری نے اپنے تعزیتی پیغام میں کہا ہے کہ مرحوم اچھی شہرت کے حامل ڈاکٹر ہونے کے ساتھ نیک اورصالح انسان تھے ،مرحوم تحریک منہاج القرآن کے لائف ممبر اوردین اسلام سے محبت کرنے والے انسان تھے، پاکستان میںشعبہ طب کیلئے مرحوم کی خدمات کو ہمیشہ یاد رکھا جائیگا۔

چیئرمین سپریم کونسل منہاج القرآن ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری،بریگیڈئیر(ر) اقبال احمد خان ، خرم نواز گنڈا پور،جی ایم ملک ،جواد حامد، نور اللہ صدیقی و دیگر رہنماؤں نے بھی ڈاکٹر محمد نسیم رانا کے انتقال پر گہرے دکھ اور افسوس کا اظہار کرتے ہوئے مرحوم کی بخشش، درجات کی بلندی اور لواحقین کے لیے صبر جمیل کی دعاکی ہے۔