ٹی وی اور تھیٹر کی معروف بھارتی اداکارہ 25 سالہ پریکشا مہتا نے نامعلوم وجوہات کی بنا پر خودکشی کرلی
پریکشا مہتا سے 10 دن قبل بھی ایک بھارتی نوجوان اداکار نے مالی مشکلات کے باعث خودکشی کرلی تھی خودکشی کی وجوہات سامنے نہیں آ سکیں، خیال کیا جا رہا ہے کہ انہوں نے بھی ممکنہ طور پر مالی مسائل کی وجہ سے خودکشی کی ہوگی، میڈیا رپورٹ
بدھ 27 مئی 2020 15:02
(جاری ہے)
بھارتی اخبار میڈیاکے مطابق پریکشا مہتا نے ریاست مدھیا پردیش کے شہر اندور میں اپنے گھر میں خودکشی کرلی، وہ بھی لاک ڈاؤن ہونے کے بعد گھر تک محدود رہ گئی تھیں۔
رپورٹ کے مطابق فوری طور پر پریکشا مہتا کی خودکشی کی وجوہات سامنے نہیں آ سکیں، تاہم خیال کیا جا رہا ہے کہ انہوں نے بھی ممکنہ طور پر مالی مسائل کی وجہ سے خودکشی کی ہوگی۔پریکشا مہتا کیریئر بنانے کے لیے مدھیا پردیش سے مہاراشٹر کے دارالحکومت ممبئی منتقل ہوگئی تھیں اور انہوں نے کرائم پیٹرول، تو عاشقی، لال عشق اور میری درگا جیسے ڈراموں میں اہم کردار ادا کیے جب کہ وہ اس دوران تھیٹر میں بھی کام کرتی دکھائی دیں۔پریکشا مہتا نے اکشے کمار کی فلم پیڈمین میں بھی کردار ادا کیا جبکہ وہ متعدد گانوں میں ماڈلنگ بھی کرتی دکھائی دیں، علاوہ ازیں انہوں نے اشتہارات میں کام کرنے سمیت فیشن شوز میں بھی جلوے بکھیرے۔پریکشا مہتا سوشل میڈیا پر بھی متحرک تھیں اور آئے دن اپنی تصاویر اور مصروفیات کے حوالے سے کچھ نہ کچھ شیئر کرتی رہتی تھیں۔بھارت میں کورونا وائرس سے بچاؤ کے لیے نافذ کیے گئے لاک ڈاؤن کے بعد وہ ممبئی سے اندور منتقل ہوگئی تھیں اور کئی دن سے گھر تک ہی محدود تھیں اور خیال کیا جا رہا ہے کہ وہ بھی مالی مسائل کا شکار ہوچکی تھیں، تاہم اس حوالے سے ان کے اہل خانہ اور پولیس نے فوری طور پر کوئی تصدیق نہیں کی۔پریکشا مہتا نے خودکشی کرنے سے قبل اپنی ایک سوشل میڈیا پوسٹ میں لکھا تھا کہ سب سے برا ہوتا ہے سپنوں کا مر جانا اور اس سے قبل بھی اداکارہ نے کچھ مایوسی بھری پوسٹس شیئر کی تھیں۔پریکشا مہتا کی خودکشی پر متعدد بھارتی اداکاروں نے دکھ کا اظہار کیا اور کہا کہ ابھرتے ہوئے فنکاروں کی ذہنی صحت اور مالی معاملات پر سنجیدگی سے غور کرنے کی ضرورت ہے۔متعلقہ عنوان :
مزید فن و فنکار کی خبریں
-
اداکارہ تمنا بھاٹیہ کو سائبرکرائم سیل نے طلب کرلیا
-
ایک شادی سے ہی خوش ہوں، باقی کو بھی ایک پر اکتفا کرنا چاہیے، ابرارالحق
-
اداکارہ ایشا دیول کو ہونٹوں کی سرجری کروانا مہنگا پڑگیا
-
اداکارہ پریتی زنٹا کی طویل عرصے کے بعد بڑی اسکرین پر واپسی
-
راکھی ساونت کی ضمانت مسترد ہونے پرعادل خان کا بیان سامنے آگیا
-
اداکارہ روینہ ٹنڈن کا بیٹی کو شادی کیلئے جلد بازی نہ کرنے کا مشورہ
-
نازش جہانگیرنے بابراعظم سے متعلق بیان والا اسکرین شاٹ جعلی قرار دے دیا
-
اداکارہ ایمن خان کو یو اے ای کا گولڈن ویزہ مل گیا
-
ریمبو اور صاحبہ نے شادی کے لیے وظیفے شروع کر دیے تھے، نشو بیگم
-
پاکستانی ٹک ٹاکراسامہ بھلی کی نجی ویڈیوزلیک
-
پاکستان کے نامور صداکار اور میزبان طارق عزیز کا یوم پیدائش 28 اپریل کو منایا جائیگا
-
مسلمان کورین پاپ سنگر داد کم نے مسجد کی تعمیر کا کام روک د یا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.