ایف بی آر نے درآمد اوربرآمد کنندگان کوٹیکسوں اورڈیوٹیز کی آن لائن ادائیگی کیلئے آسان طریقہ کار متعارف کرادیا ، ترجمان

بدھ 3 جون 2020 20:56

اسلام آباد (اُردو پوائنٹ اخبارتازہ ترین - آن لائن۔ 03 جون2020ء) فیڈرل بورڈ آف ریونیو(ایف بی آر) نے درآمد اوربرآمد کنندگان کوٹیکسوں اورڈیوٹیز کی آن لائن ادائیگی کیلئے آسان طریقہ کارمتعارف کرا دیا ہے۔ایف بی آر کے ترجمان نے بتایاہے کہ کورونا وائرس کی وبا کے تناظرمیں ایف بی آر نے درآمد اوربرآمدکنندگان کوٹیکسوں کی آن لائن ادائیگی کیلئے نیاطریقہ کار وضع کرلیا ہے، یہ سہولت تمام درآمد وبرآمد کنندگان کیلئے ہے،اس نظام کے زریعہ وفاقی اورصوبائی ڈیوٹیز، لیویز اورٹیکسوں کی آن لائن ادائیگی ہوسکتی ہے جبکہ جی ڈی ٹرانزیکشن کی شفاف آن لائن ٹریکنگ بھی ہوسکتی ہے۔

ترجمان نے بتایا کہ اس نظام کے تحت وی بک ون کسٹم یا وی بوک کے ذریعہ آن لائن ادائیگی کی جاسکتی ہے، پہلے مرحلہ میں وی بوک میں لاگ آن ہونا پڑتا ہے، اس کے بعد جی ڈی تیارکرکے جمع کرائے، سسٹم صارف کو تین آپشن دیتاہے، ٹیکس گزارکو ای پیمنٹ کا آپشن دینا چاہئیے، اس آپشن کومنتخب کرنے کے بعد پی ایس آئی ڈی دیناپڑتا ہے جس کے بعد بینک میں لاگ آن ہونا پڑتاہے، بلرزمیں ایف بی آر کومنتخب کیا جائے، پی ایس آئی ڈی داخل کیا جائے اورآن لائن ادائیگی کی سہولت حاصل ہوجائے گی۔

(جاری ہے)

ترجمان نے بتایا کہ یہ نظام کورونا وائرس کی وبا کے تناظر میں محفوظ آن لائن ادائیگی کویقینی بنانے کیلئے متعارف کرایا گیا ہے تاکہ ٹیکس گذارسہولت کے ساتھ اپنے حصے کے ٹیکس اورڈیوٹیز ادا کرسکے۔۔