سکیورٹی فورسز نے بلوچستان کے ضلع خضدار میں بھارتی پراکسی فِتنہ الہندوستان کے 4 دہشت گردوں کو جہنم واصل کر دیا، آئی ایس پی آر

جمعرات 18 ستمبر 2025 13:22

راولپنڈی (اُردو پوائنٹ اخبارتازہ ترین - اے پی پی۔ 18 ستمبر2025ء) سکیورٹی فورسز نے بلوچستان کے ضلع خضدار میں بھارتی پراکسی فِتنہ الہندوستان کے 4 دہشت گردوں کو جہنم واصل کر دیا۔ جمعرات کو پاک فوج کے شعبہ تعلقات عامہ(آئی ایس پی آر)سے جاری بیان کے مطابق سکیورٹی فورسز نے بلوچستان کے ضلع خضدار میں بھارتی پراکسی فِتنہ الہندوستان کے دہشتگردوں کی موجودگی کی اطلاع پر ایک انٹیلی جنس بیسڈ آپریشن کیا۔

(جاری ہے)

آپریشن کے دوران سکیورٹی فورسز نے دہشت گردوں کے ٹھکانے پر حملہ کیا اور شدید فائرنگ کےتبادلے کے بعد 4بھارتی حمایت یافتہ دہشت گردوں کو ہلاک کر دیا۔ہلاک ہونے والے دہشت گردوں کے قبضے سے بڑی مقدار میں اسلحہ، گولہ بارود اور دھماکا خیز مواد بھی برآمد ہوا۔یہ دہشت گرد علاقے میں متعدد دہشت گردانہ کارروائیوں میں ملوث تھے۔کسی بھی دہشتگرد کی موجودگی سےعلاقے کو مکمل طور پرپاک کرنے کے لیے سینیٹائزیشن آپریشن جاری ہے۔پاکستان کی سکیورٹی فورسز ملک سےبھارت کی زیر سرپرستی دہشت گردی کے خاتمے اور دہشت گردی میں ملوث افراد کو انصاف کے کٹہرے میں لانے کے لیے پرعزم ہیں۔\932