کورونا کیسز میں اضافہ ، وفاقی دارالحکومت کے 9 مقامات سیل،نوٹیفیکیشن جاری

جمعرات 4 جون 2020 00:17

اسلام آباد ۔ (اُردو پوائنٹ اخبارتازہ ترین - اے پی پی۔ 03 جون2020ء) اسلام آباد کی ضلعی انتظامیہ نے کورونا کیسز میں اضافہ کے بعد وفاقی دارالحکومت کے 9 مقامات سیل کر دیئے ہیں جس کا نوٹیفیکیشن جاری کر دیا گیا ہے۔

(جاری ہے)

بدھ کو اسلام آباد کی ضلعی انتظامیہ کی جانب سے جاری نوٹیفیکیشن کے مطابق اسلام آباد میں کورونا وائرس پھیل گیا ہے جس کی وجہ سے اسلام آباد کی9 مقامات سیل کر دیئے ہیں جن علاقوں کو سیل کیا گیا ہے ان میں سعودی پاک ٹاور ہواوئے ٹیچ، بلیو ایریا اسلام آباد، پاکستان سپورٹس بورڈ اسلام آباد، گل راجگاں چٹھہ بختاور، نیشنل پولیس فائونڈیشن ای الیون فور، آئی ٹین کی دو گلیاں، جی نائن فور سٹریٹ111، جی سیون ٹو اسلام آباد سٹریٹ 54، جی سکس فور سٹریٹ 62 اور پی ڈبلیو ڈی کالونی شامل ہیں۔

انتظامیہ نے ان جگہوں کو سیل کرنے کے احکامات جاری کر دیئے ہیں۔ متاثرہ علاقوں کو سیل کرنے کیلئے اسلام آباد پولیس، فوج اور رینجرز کی مدد طلب گئی ہے۔ این آئی ایچ سے نتائج آنے کے بعد ان علاقوں کو سیل کرنے کا حکم دیا گیا۔