پشاور، چار افراد کے قتل میں مطلوب اشتہاری ملزم پولیس مقابلہ کے دوران ہلاک، ایک اشتہاری ملزم سمیت تین سہولت کار گرفتار

پشاور(اُردو پوائنٹ اخبارتازہ ترین - آن لائن۔ 05 جون2020ء) کپیٹل سٹی پولیس پشاور نے تھانہ متھرا کی حدود میں چار افراد کو قتل کرنے والے ملزمان کی موجودگی پر تھانہ بٹگرام ضلع چارسدہ کی حدود میں کارروائی کی ہے، کارروائی میں تھانہ داودزئی، تھانہ متھرا اور تھانہ بٹگرام پولیس نے حصہ لیا جس کے دوران ملزمان نے پولیس پارٹی پر اندھا دھند فائرنگ کی ہے، پولیس کی جوابی فائرنگ سے چار افراد کے قتل جبکہ اقدام قتل اور دیگر سنگین مقدمات میں مطلوب اشتہاری ملزم صابر شاہ لگ کر ہلاک ہوا ہے، پولیس نے مقابلہ کے بعد دو اشتہاری ملزمان سمیت اشتہاری ملزمان کو پناہ دینے والے 4 افراد کو گرفتار کر لیا ہے ملزمان نے ابتدائی تفتیش کے دوران اپنے جرم کا اعتراف کر لیا ہے جن کے قبضے سے جدید خود کا ر اسلحہ تین عدد کلاشنکوف، ایک عدد کالا کوف، ایک عدد رائفل اور سینکڑوں عدد کارتوس بھی برآمد کر لئے ہیںتفصیلات کے مطابق کپیٹل سٹی پولیس پشاور نے تھانہ متھرا کی حدود میں ڈیڑھ ماہ قبل چار افراد کو بیدردی ہے ساتھ قتل کرنے اور 5 افراد کو زخمی والے ملزمان کی ضلع چارسدہ کے تھانہ بٹگرام کی حدود میں موجودگی پر کارروائی کی ہے، خفیہ اطلاع پر ہونے والی کارروائی میں ایس ایچ او تھانہ داودزئی واجد شاہ، متھرا پولیس، ایلیٹ کمانڈوز اور لوکل پولیس نے حصہ لیا، جس کے دوران صدیق اکبر نامی شخص کے حجرے میں موجود اشتہاری ملزمان نے پولیس پارٹی کو دیکھتے ہی اندھا دھند فائرنگ شروع کی جس پر پولیس پارٹی نے حق حفاظت خود اختیاری کے تحت جوابی فائرنگ کی جس کے نتیجے میں اشتہاری ملزم صابر شاہ ولد سید ولی شاہ سکنہ شندی متھرا لگ کر شدید زخمی ہوا جو ہسپتال لے جاتے ہوئے راستہ میں ہلاک ہوا، اسی طرح پولیس نے دوسرے اشتہاری ملزم نیاز علی شاہ سمیت ملزمان کو پناہ دینے والے سہولت کاروں عبداللہ ولد سید کریم سکنہ چورا خیل، لعل زادہ ولد نور محمد اور صدیق اکبر ولد سید کریم سکنہ چورہ خیل کو نہایت حکمت عملی کیساتھ گرفتار کر لیا، جن کے قبضے سے جدید خود کار اسلحہ تین عدد کلاشنکوف، ایک عدد کالا کوف ایک عدد رائفل اور سینکڑوں عدد کارتوس بھی برآمد کر لئے ہیں، گرفتار سہولت کار صدیق اکبر تھانہ بٹگرام پولیس کو اقدام قتل کے جرم میں بھی مطلوب تھا، چاروں ملزمان کے خلاف پولیس پر حملہ کا مقدمہ بھی درج کر لیا ہی