زرعی شعبہ میں سرمایہ کاری سے پوری معیشت آگے بڑھنے سمیت دیہی ترقی اور بیروزگاری ختم کرنے میں حکومتی کوششیں ثمر آور ثابت ہوسکتی ہیں،ماہرین زراعت

بدھ 12 اگست 2020 16:33

فیصل آباد (اُردو پوائنٹ اخبارتازہ ترین - اے پی پی۔ 12 اگست2020ء) : جامعہ زرعیہ فیصل ۱ٓباد کے ماہرین زراعت نے بتایاہے کہ زرعی شعبہ میں سرمایہ کاری سے پوری معیشت آگے بڑھ سکتی ہے جس سے دیہی ترقی اور بیروزگاری ختم کرنے میں حکومتی کوششیں ثمر آور ثابت ہوسکتی ہیں۔

(جاری ہے)

جامعہ زرعیہ فیصل ۱ٓباد کے ماہرین کے مطابق ملک کی 58فیصد آبادی کو اس وقت نیوٹریشن سے بھر پوری غذا میسر نہیں جبکہ اس کے برعکس پاکستان میں آبادی کی شرح میں زبردست اضافہ ہو رہاہے جس کے باعث پاکستان کی آبادی آئندہ 20برسوں میں بڑھ کر دو گنا ہو جائیگی لہٰذا تیزی سے بڑھتی ہوئی آبادی کی غذائی ضروریات کوپوراکرنے اور فوڈ سکیورٹی کے چیلنجزسے نمٹنے کیلئے فوری اقدامات کرناہوں گے۔

جامعہ زرعیہ فیصل ۱ٓباد کے ماہرین زراعت نے بتایاکہ زرعی شعبہ میں سرمایہ کاری سے پوری معیشت آگے بڑھ سکتی ہے جس سے دیہی ترقی اور بیروزگاری ختم کرنے میں حکومتی کوششیں ثمر آور ثابت ہوسکتی ہیں۔انہوںنے کہاکہ سائنس اینڈ ٹیکنالوجی کو بنی نوع انسان کی بہتری کیلئے بروئے کار لانے کی اشد ضرورت ہے کیونکہ صرف اس اقدام سے ہی مستقبل کے چیلنجز سے نمٹا جا سکتا ہے۔ انہوںنے کہاکہ جینیاتی فصلات مستقبل میں بہترین غذائی پیداوار کی ضامن ہو سکتی ہیں۔