استاد نصرت فتح علی خان کی 23ویں برسی اتوار کومنائی جائے گی

نصرت فتح علی خان میوزک اکیڈمی کے زیر اہتما م تقریب ہو گی

جمعرات اگست 14:06

استاد نصرت فتح علی خان کی 23ویں برسی اتوار کومنائی جائے گی
فیصل آباد (اُردو پوائنٹ اخبارتازہ ترین - اے پی پی۔ 13 اگست2020ء) استاد نصرت فتح علی خان کی 23ویں برسی 16اگست اتوار کومنائی جا ئے گی۔اس موقع پر فیصل آباد میں نصرت فتح علی خان میوزک اکیڈمی کے زیر اہتما م ان کے مزار جھنگ روڈ پر صبح 10بجے ایک تقریب منعقد ہو گی جس میں استاد مبارک علی خان کے صاحبزادے رحیم داد خان اپنے ساتھیوں میاں بشیر احمد اعجاز ڈائریکٹر نصرت فتح علی خان میوزک اکیڈمی ، محمود رضا سید ، یاسین کسانہ ، شوکت سلطان ،مرزامحسن ، طاہر گوہیر ،شکیل احمد ، کامران رشید ، منظور مرزا ، رانا وہاب ،ابرار حبیبی ،خادم بٹ ، میاں نثار اور نعیم شاکر دیگر دوستوں کے ساتھ ان کے مزار پرحاضری سمیت پھولوں کی چادر چڑھائیں اور فاتحہ خوانی کریں گے ۔

یاد رہے کہ استاد نصرت فتح علی خان کا انتقال 16اگست 1997ء کو لندن میں ہوا اور ان کا جسد خاکی فیصل ا ٓباد میں ان کے آبائی قبرستان جھنگ روڈمیں سپرد خاک کیا گیا۔

(جاری ہے)

مرحوم کے فن کو پاکستا ن کے علاوہ پوری دنیا میں سراہا گیا اور ان کو کئی اعزازات دیئے گئے ۔مرحوم نے اپنے فن سے پوری دنیا میں اپنے ملک کا نام روشن کیا۔ان کا کہنا تھا کہ گانا ایسا ہونا چاہیے جو لوگوں کو برسوں یاد رہے یہی وجہ ہے کہ استاد نصرت فتح علی خان نے اپنے گیت ، غزل اور قوالیوں کو عوام میں اتنا مقبول کیا کہ لوگ آج بھی ان کی گائیکی کے سحر میں جکڑے ہوئے ہیں۔

متعلقہ عنوان :