کیریبیئن پریمیئر لیگ ،آصف علی اور سہیل تنویر خاص کارکردگی دکھانے میں ناکام

آصف علی نے 10میچز میں 14.75 کی اوسط سے صرف 118 رنز بنائے،سہیل تنویر نے 5 میچز میں 29.60 کی اوسط سے 5 وکٹیں لیں

ذیشان مہتاب جمعہ 11 ستمبر 2020 11:33

کیریبیئن پریمیئر لیگ ،آصف علی اور سہیل تنویر خاص کارکردگی دکھانے ..

لاہور (اردو پوائنٹ تازہ ترین اخبار ۔ 11 ستمبر 2020ء ) کیریبیئن پریمیئر لیگ میں آصف علی اور سہیل تنویر رنگ نہ جما سکے۔ گذشتہ روز ختم ہونے والے ایونٹ میں شرکت کرنے والے دونوں پاکستانی کرکٹرز مختلف ٹیموں کی نمائندگی کررہے تھے،جمیکا تلاواز کی نمائندگی کرنے والے آصف علی نے 10 میچز میں 14.75 کی اوسط سے صرف 118 رنز بنائے،سب سے بڑی اننگز پہلے میچ میں 47 رنز ناٹ آؤٹ ثابت ہوئی۔

(جاری ہے)

اس کے بعد وہ فارم کو ترستے رہے۔ سینٹ کٹس اینڈ نیوس پیٹریاٹ کی نمائندگی کرنے والے سہیل تنویر نے 5 میچز میں 29.60 کی اوسط سے 5 وکٹیں حاصل کیں، بہترین بولنگ 25 رنز کے عوض 2 وکٹیں رہی،انھوں نے 11.33 کی اوسط سے 34 رنز بنائے،وہ سب سے بڑی اننگز 16 رنزکی کھیل پائے۔