آسٹریلیا کو فیصلہ کن ون ڈے میں شکست دے کر سیریز 2-1 سے اپنے نام کریں گے ، جو روٹ

پیر 14 ستمبر 2020 11:05

مانچسٹر ۔ 14ستمبر(اُردو پوائنٹ اخبارتازہ ترین - اے پی پی۔ 14 ستمبر2020ء) انگلینڈکی کرکٹ ٹیم کے مایہ ناز بلے باز جو روٹ نے کہا ہے کہ آسٹریلوی ٹیم کو فیصلہ کن ایک روزہ میچ میں شکست دے کر تین میچوں کی سیریز 2-1 سے اپنے نام کریں گے، انہوں نے کہا کہ مہمان ٹیم کو دوسرے ایک روزہ میچ میں شکست دینے کے بعد ٹیم کے حوصلے بلند ہوئے ہیں اور اب میزبان ٹیم کینگروز کے خلاف ون ڈے سیریز بھی اپنے نام کرنے کے لئے مکمل طور پر تیار ہے۔

انہوں نے کہا کہ ان کی ٹیم نے مہمان ٹیم کے خلاف تیسرے اور آخری ون ڈے میچ کے لئے حکمت عملی تیار کر رکھی ہے۔

(جاری ہے)

اپنے ایک بیان میں جو روٹ نے کہا کہ وہ کینگروز کے خلاف دوسرے میچ میں اپنے کارکردگی سے مطمئن ہیں، روٹ نے کہا کہ وہ مکمل طور پر فٹ ہیں اور مہمان ٹیم کے خلاف فیصلہ کن میچ میں بھی عمدہ کارکردگی کا مظاہرہ کرتے ہوئے اپنی ٹیم کی فتح میں اہم کردار ادا کریں گے۔ جو روٹ نے کہا کہ انکی ٹیم میں باصلاحیت کھلاڑی موجود ہیں جو کسی بھی وقت میچ کا پانسہ پلٹنے کی بھرپور صلاحیت رکھتے ہیں۔ انہوں نے کہا کہ وہ آسٹریلوی ٹیم کے خلاف فیصلہ کن میچ میں شرکت کیلئے بے تاب ہیں۔ انہوں نے کہا کہ سیریز میں کامیابی کے لئے ہرکھلاڑی کو سو فیصد کارکردگی دکھانا ہوگی۔

Facebook Twitter Google + Share on Whatsapp

آسٹریلیا کو فیصلہ کن ون ڈے میں شکست دے کر سیریز 2-1 سے اپنے نام کریں گے ، جو روٹ

متعلقہ عنوان :

مزید کھیلوں کی خبریں