موٹروے پولیس نے نقد رقم اور کریڈٹ کارڈ تلاش کر کے مالک تک پہنچا دیئے

اتوار 20 ستمبر 2020 18:00

اسلام آباد ۔ (اُردو پوائنٹ اخبارتازہ ترین - اے پی پی۔ 20 ستمبر2020ء) موٹروے پولیس نے نقد رقم اور کریڈٹ کارڈ تلاش کر کے مالک تک پہنچا دیئے۔ ترجمان موٹروے پولیس کے مطابق موٹر وے پولیس نے احسن اقدام اٹھاتے ہوئے اڑھائی لاکھ روپے مالیت کے کریڈٹ کارڈ اور 9 ہزار روپے نقد تلاش کر کے مالک تک پہنچا دیئے۔

(جاری ہے)

ایک ہنڈا کار LRS450 جس میں 4 افراد سوار تھے جو لاہور سے اسلام آباد کی جانب جا رہے تھے۔

یہ مسافر بھیرہ سروس ایریا میں رکے جہاں اپنا بیگ بھول گئے اور سفر جاری رکھا بیگ میں اڑھائی لاکھ روپے مالیت کے کریڈٹ کارڈ 9 ہزار روپے نقد اور دیگر اہم دستاویزات موجود تھیں۔ یاد آنے پر انہوں نے موٹروے پولیس کو اطلاع دی جس پر موٹروے پولیس فورا کارروائی کرتے ہوئے سروس ایریا سے بیگ تلاش کر لیا۔ بعدازاں بیگ سلمان خان سکنہ لاہور کے حوالے کر دیا گیا۔