اپوزیشن کی کرپشن بچاؤ اے پی سی ناکامی سے دوچار ہو گی ، علی امین گنڈاپور

لاکھ کوششوں کے باوجود کرپٹ اپوزیشن عمران خان کے خلاف ناکام رہے گی ، وفاقی وزیر

اتوار 20 ستمبر 2020 19:40

اسلام آباد (اُردو پوائنٹ اخبارتازہ ترین - این این آئی۔ 20 ستمبر2020ء) وفاقی وزیر امور کشمیر و گلگت بلتستان علی امین خان گنڈہ پور نے کہا ہے کہ اپوزیشن کی کرپشن بچاؤ اے پی سی ناکامی سے دوچار ہو گی ۔ اپنے بیان میں انہوںنے کہاکہ کرپشن بچانے والے مفاد پرست آج پھر پوری قوم کے سامنے بے نقاب ہو گئے ہیں، نواز شریف کی تقریر سے ان کی نام نہاد بیماری کا بخوبی اندازہ لگایا جا سکتا ہے ۔

(جاری ہے)

علی امین گنڈاپور نے کہاکہ مولانا فضل الرحمان کے اقتدار کے خواب اب تاریخ کا حصہ بن چکے ہیں، اقتدار کے لالچ میں مارے مارے پھرنا مولانا کا مقدر بن چکا ہے ۔علی امین گنڈاپور نے کہاکہ مولانا فضل الرحمان جیسے نام نہاد علماء دین سے پوری قوم پناہ مانگتی ہے ، عمران خان نے اقتدار میں آتے ہی بتا دیا تھا کہ کرپشن کے یہ سردار ان کے خلاف اکھٹے ہو جائیں گے، لاکھ کوششوں کے باوجود کرپٹ اپوزیشن عمران خان کے خلاف ناکام رہے گی ۔