پاکستان میں فیز 3 کلینیکل ٹرائلز کووڈ۔ 19 ویکسین’’کینسنینو‘‘ کا آغاز ہوگیا

منگل 22 ستمبر 2020 12:59

اسلام آباد (اُردو پوائنٹ اخبارتازہ ترین - اے پی پی۔ 22 ستمبر2020ء) پاکستان میں فیز 3 کلینیکل ٹرائلز کووڈ۔ 19 ویکسین ’’کینسنینو‘‘ کا آغاز ہوگیا ہے۔ نیشنل کوآرڈینیشن اینڈ آپریشن سنٹر (این سی او سی) کے مطابق پاکستان کیلئے بڑی کامیابی ہے کہ ملک میں فیز3 کلینیکل ٹرائلز کووڈ۔19 ویکسین ’’کینسنینو‘‘ کا آغاز کردیا گیا ہے۔

(جاری ہے)

چین میں ویکسین کے فیز1 اور دو ٹرائلز ہوچکے ہیں جبکہ فیز 3 ٹرائلز پاکستان میں ہورہے ہیں، ویکسین کی کامیابی کے نتیجے میں وائرس پر قابو پانے میں مدد ملے گی۔

’’ کینسنینو‘‘ ویکسین کا ٹرائل3 کا آغاز ابتدائی طور پر اسلام آباد سے کر دیا گیا ہے جس میں 18 سال سے زائد عمر کے 8 ہزار رضا کاروں پر یہ ویکسین آزمائی جائے گی اس کے بعد بتدریج لاہور اور کراچی میں بھی اس کو ٹیسٹ کیا جائے گا جو کہ ایک اہم سنگِ میل ثابت ہوگا۔