آر پی او نے ریجن بھر میں کچہریوں کیلئے فول پروف سکیورٹی کیلئے احکامات جاری کر دیئے، سیکیو رٹی میںناکامی کی صورت میں ضلعی سربراہان براہ راست ذمہ دار ہونگے، مراسلہ

بدھ ستمبر 17:14

فیصل آباد ۔ (اُردو پوائنٹ اخبارتازہ ترین - اے پی پی۔ 23 ستمبر2020ء) آرپی او فیصل آباد رفعت مختار راجہ نے ریجن بھر میں کچہریوں کیلئے فول پروف سکیورٹی کے قیام کیلئے احکامات جاری کر دیئے۔ ڈسٹرکٹ و تحصیل کورٹس کی سیکیورٹی میںناکامی کی صورت میں ضلعی سربراہان براہ راست ذمہ دار ہو نگے۔ریجنل پولیس آفیسر فیصل آباد رفعت مختار راجہ نے جڑانوالہ کچہری کے باہر مخالف فریق کی فائرنگ سے ایک شہری کی ہلاکت اور ایڈووکیٹ عبد الجبار کے زخمی ہو نے کا سختی سے نوٹس لیتے ہو ئے چاروں ضلعی سربر اہان کو تحصیل و ڈسٹرکٹ کچہریوں کی فول پروف سیکیو رٹی یقینی بنانے کے احکامات جاری کر دیے۔

انہوں نے احکامات جاری کیے کہ چاروں ضلعی سربر اہان تحصیل اور ضلع کچہریوں کے اندر اور گرد و نواح کے سیکیو رٹی انتظامات کا خود جائزہ لیں اور ان میں موجود نقا ئص کا ازسرنوجائز ہ لے کر ایک منظم اور جامع سیکیو رٹی پلان ترتیب دیں ۔

(جاری ہے)

اس ضمن میں متعلقہ بار ممبرز اور معزز جج صاحبان کے ساتھ رابطہ اور کوآرڈ ینیشن کو مزید منظم کیا جائے ۔کچہریوں کے داخلی اور خارجی راستوں پر CCTVکیمروں سے مانٹیرنگ کو یقینی بنا یاجائے ۔

واک تھروگیٹ اور میٹل ڈیٹیکٹر کی موجودگی کویقینی بنا یاجائے۔کوئیک رسپانس فورس کی تعیناتی مناسب مقام پر عمل میں لائی جائے جو کسی بھی نا خوشگوارواقعہ کی صورت میں فوری حرکت میں آکر لااینڈ آرڈر کو بر قرار رکھ سکے۔ ریجنل پولیس آفیسر فیصل آباد نے احکامات جاری کیے کہ تحصیل و ضلع کچہری میں موجود معزز جج صاحبان ،بار ممبرز،سائلین اور پیش ہو نے والے ملزمان کی سکیورٹی کو ہر صورت یقینی بنایا جائے اور اس ضمن میں کسی بھی غفلت کی صورت میں ضلعی سرہراہان بر اہ راست ذمہ دار ہوں گے۔

متعلقہ عنوان :