’قوم کے شہیدو تمہیں سلام‘

آئی ایس پی آر کی جانب سے نیا نغمہ ریلیز کردیا گیا

اتوار 19 اکتوبر 2025 11:00

اسلام آباد (اُردو پوائنٹ اخبارتازہ ترین - اے پی پی۔ 19 اکتوبر2025ء) آئی ایس پی آر کا نیا نغمہ ’’قوم کے شہیدوں تمہیں سلام ‘‘ ریلیز کر دیا گیا۔آئی ایس پی آر کی جانب سے جاری بیان کے مطابق آئی ایس پی آر نےوطن پر جان نچاور کرنے والے شہداء کو زبردست خراج عقیدت پیش کرتے ہوئےقومی نغمہ کے ذریعے وطن عزیز کی بقاء اور دہشتگردی کے خاتمے کے لیے جان دینے والے شہداء کو پوری قوم کا سلام پیش کیا ہے۔

(جاری ہے)

وطن کی خاطر جان کا نذرانہ پیش کرنے والوں کی داستانیں قوم کے دلوں میں زندہ ہیں۔نغمہ میں معصوم بچوں اور خواتین کی شہادت کو بھی خراج عقیدت پیش کیا گیا۔بزدل دشمن کے دہشت گرد حملوں میں شہید ہونے والے بہادروں کی قربانیاں پر ہر پاکستانی کو فخر ہے۔نغمہ میں خون کے آخری قطرے تک وطن کیلئے قربانیاں دینے کے عزم کا اعادہ کیاگیا۔شہداء کا ہر قطرۂ لہو پاکستان کی بقا اور امن کی ضمانت ہے۔