پی آئی اے کو سعودی عرب کیلئے 21 مزید پروازوں کا خصوصی اجازت نامہ مل گیا

گزشتہ رات ائیر مارشل ارشد ملک نے وزیراعظم سے لوگوں کی پریشانی حل کرنے کیلئے کردار ادا کرنے کی استدعا کی تھی،ترجمان پی آئی اے

جمعرات 24 ستمبر 2020 21:42

پی آئی اے کو سعودی عرب کیلئے 21 مزید پروازوں کا خصوصی اجازت نامہ مل ..

کراچی(اُردو پوائنٹ اخبارتازہ ترین - آن لائن۔ 24 ستمبر2020ء) وزیراعظم پاکستان کی خصوصی کاوشوں سے پی آئی اے کو سعودی عرب کیلئے 21 مزید پروازوں کا خصوصی اجازت نامہ مل گیا،ترجمان پی آئی اے کے مطابق گزشتہ رات سی ای او پی آئی اے ائیر مارشل ارشد ملک نے وزیراعظم سے لوگوں کی پریشانی اور بے پناہ رش حل کرنے کیلئے کردار ادا کرنے کی استدعا کی تھی اعلی سطحی سفارتی ذرائع استعمال کرنے کے بعد صرف پی آئی اے کو خصوصی طور پر مزید پروازیں جاری کرنے کا پروانہ جاری کیا گیا ہے زیادہ تر اقامے جو 30 ستمبر کو مدت پوری کررہے ہیں کی وجہ سے پی آئی اے کے دفاتر اور ایجنٹس کے پاس غیر معمولی رش ہوگیا تھا کچھ عناصر نے موقع سے فائدہ اٹھا کر کئی گنا مہنگے ٹکٹس فروخت کرنے شروع کردیے تھے جس پر سی ای او پی آئی اے نے معاملے کا نوٹس لیتے ہوئیاصل کرائے شائع کروائے اور مزید پروازوں کی اجازت طلب کی تھی پی آئی اے کی ہفتہ وار 23 پروازیں پاکستان کے مختلف شہروں کی سعودی عرب روانہ ہو رہی ہیں جن میں گنجائش 12،000 افراد کی ہے 13 مزید پروازیں سماج فاصلے کی قوانین کے ساتھ آپریٹ کرنے سے مزید 3500 کی گنجائش پیدا ہوئی جو طلب سے بہت کم تھی وزیراعظم کی مداخلت کے ساتھ 21 مزید پروازوں کی سسٹم میں آنے کے بعد پی آئی اے کی صلاحیت 25،500 افراد کی ہوگئی ہے۔

(جاری ہے)

یہ تمام افراد 30 ستمبر سے پہلے سعودی عرب روانہ ہوجائیں گے اکتوبر کے مہینے کیلئے پی آئی اے نے پہلے ہی اپنے پروازیں دوگنی کرنے کیلئے سعودی حکام سے درخواست کرلی ہی