فلسطین میں کرونا سے مزید چھ اموات،389نئے کیسز کی تصدیق

غرب اردن میں کرونا کے مزید 5 اور غزہ میں ایک مریض ہلاک ہوگیا،فلسطینی وزیرصحت کی پریس کانفرنس

پیر 19 اکتوبر 2020 15:09

فلسطین میں کرونا سے مزید چھ اموات،389نئے کیسز کی تصدیق

رام اللہ (اُردو پوائنٹ اخبارتازہ ترین - این این آئی۔ 19 اکتوبر2020ء) فلسطینی وزارت صحت نے کہاہے کہ گذشتہ چوبیس گھنٹوں کے دوران فلسطین میں کرونا کے کیسز میں کمی آئی ہے۔ تاہم چوبیس گھنٹوں کے دوران کرونا کے مزید چھ مریض دم توڑ گئے۔ اس دوران 389 نئے کیسز کی تصدیق کی گئی ہے جب کہ 336 مریض صحت یاب ہوئے ہیں۔غیرملکی خبررساں ادارے کے مطابق فلسطینی خاتون وزیر صحت می کیلہ نے بتایا کہ گذشتہ چوبیس گھنٹوں کے دوران غرب اردن میں کرونا کے مزید 5 اور غزہ میں ایک مریض ہلاک ہوگیا۔

بیان میںکہا گیا کہ فلسطین میں کرونا کے صحت یاب ہونے والے مریضوں کی شرح 87 اعشاریہ 5 فی صد ہے جب کہ ایکٹیو کیسز 11 اعشاریہ 7 فی صد اور اموات صفر اعشاریہ 8 فی صد ہیں۔گذشتہ چوبیس گھنٹوں کے دوران فلسطینی علاقوں میں کرونا کے مزید 336 مریض صحت یاب ہوگئے۔

(جاری ہے)

الخلیل میں 82، جنین میں 31، طوباس میں 3، سلفیت میں 11، طولکرم میں 11، قلقیلیہ میں 40، بیت لحم سے 76 اور غزہ میں 63 مریض صحت یاب قراردیے گئے۔

ادھر فلسطینی علاقوں الخلیل میں مزید 47 کرونا کیسز کی تصدیق کی گئی۔ نابلس میں 53، بیت لحم میں 16، قلقیلیہ میں 16، رام اللہ میں 29، جنین میں 31، اریحا اور وادی اردن میں 22، سلفیت میں 7، طوباس میں 6، غزہ میں119 اور القدس میں سات کیسز کی تصدیق کی گئی۔ فلسطینی علاقوں میں کرونا کے 40 مریضوں کی حالت خطرے میں ہے جن میں سے 6 مصنوعی آکسیجن پر زندہ ہیں۔