ملائیشیاء سے طیارہ واپس لینے کیلئے معاملات طے پا گئے ہیں،ترجمان پی آئی اے

بدھ 27 جنوری 2021 20:45

کراچی(اُردو پوائنٹ اخبارتازہ ترین - آن لائن۔ 27 جنوری2021ء) ملائیشیا میں پی آئی اے کے طیارے کی ضبطگی کا معاملہ،ترجمان پی آئی اے کے مطابق پی آئی اے اور لیزنگ کمپنی کے ساتھ معاملات طے پاگئے . دونوں کی باہمی رضامندی سے ملائیشیا عدالت میں کیس خارج اور طیارہ پی آئی اے کے حوالے کردیا گیا۔

(جاری ہے)

ترجمان پی آئی اے نے مزید کہا کہ پی آئی اے جہاز کو مسافر پرواز پی کے 895 کے طورپر آپریٹ کرکے 29 جنوری کو اسلام آ باد واپس لے کر آئے گی۔طیارہ واپس لانے کیلئے تمام انتظامات مکمل کئے جا چکے ہیں اور عملے کو پاکستان سے روانہ کیا جا چکا ہے ۔