بھارت جان لے ،ہمارے فوجی جوان پاکستان کے ایک ایک انچ کی حفاظت کیلئے جان کی قربانی سے دریغ نہیں کرتے، شہر یار آفریدی

پاکستان نے بھارتی جارحیت کا مرتکب ہونیوالے طیارے گرا کر جارحیت کا منہ توڑ جواب دیا، امید ہے ابی نندن کو چائے کا ذائقہ مدتوں یاد رہے گا، بیان

ہفتہ 27 فروری 2021 17:32

بھارت جان لے ،ہمارے فوجی جوان پاکستان کے ایک ایک انچ کی حفاظت کیلئے ..

اسلام آباد (اُردو پوائنٹ اخبارتازہ ترین - این این آئی۔ 27 فروری2021ء) چیئرمین کشمیر کمیٹی شہریار خان آفریدی نے کہا ہے کہ بھارت جان لے ،ہمارے فوجی جوان پاکستان کے ایک ایک انچ کی حفاظت کیلئے جان کی قربانی سے دریغ نہیں کرتے۔ اپنے بیان میں شہر یار آفریدی نے کہاکہ بھارت جان لے کہ ہمارے فوجی جوان پاکستان کے ایک ایک انچ کی حفاظت کیلئے جان کی قربانی سے دریغ نہیں کرتے، افواج پاکستان ملکی وقار کی خاطر جان سے کھیل جانے سے نہیں گھبراتیں۔

انہوںنے کہاکہ پاکستان نے بھارتی جارحیت کا مرتکب ہونیوالے طیارے گرا کر جارحیت کا منہ توڑ جواب دیا، عوام نے ابھینندن کو دھول چٹا کر وطن سے لازوال محبت کا ثبوت دیا، اور افواج پاکستان نے ابھینندن کی جان بچاکر احساسِ انسانیت کی مثال قائم کی۔

(جاری ہے)

انہوںنے کہاکہ پاکستان نیابھینندن کی بحفاظت بھارت واپسی کو یقینی بنا کر اپنی قابلیت اور امن کی خواہش کا اظہار کیا، امن کیلئے پاکستان کی لازوال قربانیوں اور کمٹمنٹ کو دنیا بھر نے تسلیم کیا۔

انہوںنے کہاکہ بھارت کا مکروہ چہرہ ہم دنیا کے سامنے بے نقاب کرتے رہیں گے، آزمائش کی ہر گھڑی میں عوام پاک فوج کے ساتھ کھڑے ہیں، بھارت کو جارحیت کی صورتن میں ہمیشہ منہ کی کھانی پڑی ہے،امید ہے ابی نندن کو چائے کا ذائقہ مدتوں یاد رہے گا۔