تعلیم کا فروغ پی ٹی آئی حکومت کی اولین ترجیح ہے ‘تر جمان پنجاب حکومت

بد قسمتی سے ماضی میں اعلی تعلیم کے حوالے سے پسماندہ علاقوں پر کوئی توجہ نہیں دی گئی ‘ ڈاکٹر شاہد صد یق

منگل 2 مارچ 2021 12:14

تعلیم کا فروغ پی ٹی آئی حکومت کی اولین ترجیح ہے ‘تر جمان پنجاب حکومت

لاہور(اُردو پوائنٹ اخبارتازہ ترین - این این آئی۔ 02 مارچ2021ء) تر جمان پنجاب حکومت ڈاکٹر شاہد صد یق نے کہ ہے کہ تعلیم کا فروغ پی ٹی آئی حکومت کی اولین ترجیح ہے،عمران خان کے ویژن کے مطا بق اعلی تعلیم کو عوام کی دہلیز تک پہنچانے کے خواب کو پورا کا جا رہا ہے، بد قسمتی سے ماضی میں اعلی تعلیم کے حوالے سے پسماندہ علاقوں پر کوئی توجہ نہیں دی گئی۔

ان خیالا ت کااظہار انہو ں نے طلبا ء کے وفد سے گفتگو کر تے ہو ئے کیا انہو ں نے کہاہے کہ تعلیم کے فروغ کیلئے ہرسطح پر اقدامات کررہے ہیں۔

(جاری ہے)

پنجاب حکومت نے اعلی تعلیم کے فروغ کیلئے ٹھوس اقدامات کیے ہیں، ہر ضلع میں یونیورسٹی قائم کرنے کے ویژن کو عملی جامہ پہنائیںگے،ہمارے دور میں نئی یونیورسٹیاں بن رہی ہیں۔ انہو ں نے کہاکہ ہائر ایجوکیشن کو دورحاضر سے ہم آہنگ کیا جا رہاہے، دوردراز شہروں میں بھی نئی یونیورسٹیاں بنائی جارہی ہیں۔ سابق دور میں تعلیم کو ذاتی تشہیر کیلئے استعمال کیا گیاہم نے نظر انداز کیے گئے علاقوں کے نوجوانوں کیلئے اعلی تعلیم کے دروازے کھولے ہیں۔پہلا حق پسماندہ علاقوں کا ہے، جہاںہائر ایجوکیشن کے نئے ادارے قائم کررہے ہیں۔