جہاں جھوٹے مقدمات ہیں وہاں عدالت انصاف دے رہی ہے : کیپٹن (ر) صفدر

پیر 29 مارچ 2021 20:50

لاہور (اُردو پوائنٹ اخبارتازہ ترین - آن لائن۔ 29 مارچ2021ء) مسلم لیگ (ن) کے رہنما کیپٹن (ر) محمد صفدر نے کہا ہے کہ جہاں جھوٹے مقدمات ہیں وہاں عدالت انصاف دے رہی ہے،اللہ کا شکر ہے ہمارے کیسز ان کے پاس لگے ہیں جو قانون کے ماہر ہیں۔

(جاری ہے)

عدالت میں پیشی کے موقع پر میڈیا سے گفتگو کرتے ہوئے داماد ایسوسی ایشن کے سوال پر کیپٹن صفدر نے جواب دینے سے گریز کرتے ہوئے کہا کہ ابھی اس کو رہنے دیں، یونین کا سیشن ابھی نہیں ہوا ۔

کیپٹن (ر) صفدر سے سوال کیا گیا کیا بلاول کی سراج الحق سے قائد حزب اختلاف کیلئے ووٹ مانگنے سے متعلق تھی، کے جواب میں انہوں نے کہا کہ بلاول سراج الحق سے دعا کروانے گئے تھے، میںاس وقت پی ڈیم ایم کی کسی بھی سیاسی جماعت پر بات نہیں کرنا چاہتا،اس وقت سب کو مل کر ووٹ کو عزت دو پر اکھٹا ہونا چاہیے۔