پاکستان کرکٹ بورڈ کے سابق ڈائریکٹر میڈیکل ڈاکٹر سہیل سلیم اپنی برطرفی پر برس پڑے

منگل 4 مئی 2021 15:15

لاہور (اُردو پوائنٹ اخبارتازہ ترین - این این آئی۔ 04 مئی2021ء) پاکستان کرکٹ بورڈ کے سابق ڈائریکٹر میڈیکل ڈاکٹر سہیل سلیم اپنی برطرفی پر برس پڑے۔ایک بیان میں سہیل سلیم نے کہا کہ پی ایس ایل 6 میں بدانتظامی کا الزام لگا کر مجھے قربانی کا بکرا بنا کر استعفیٰ لیا گیا۔

(جاری ہے)

ڈاکٹر سہیل کے مطابق میں نے 365 دن اپنی راتیں کالی کرکے پی سی بی کے لیے کام کیا اور مجھے اس کا یہ صلہ دیا گیا، مجھے نکال کر کچھ لوگوں کو بچایا گیا، اب بھی میرے پاس کچھ کہانیاں ہیں مگر ملکی مفاد میں وہ بتانا نہیں چاہتا۔خیال رہے کہ گزشتہ ماہ ہی پی سی بی کی جانب سے پی سی بی کے شعبہ میڈیکل اینڈ اسپورٹس سائنسز ڈاکٹر سہیل سلیم کا استعفیٰ منظور کیا گیا تھا۔