چیئرمین رویت ہلال کمیٹی مولانا عبد الخبیر آزاد کی فلسطینی سفیر سے ملاقات ،فلسطین کی موجودہ صورت حال پر تبادلہ خیال

جمعرات 20 مئی 2021 18:27

اسلام آباد (اُردو پوائنٹ اخبارتازہ ترین - این این آئی۔ 20 مئی2021ء) چیئرمین مرکزی رویت ہلال کمیٹی مولانا عبدالخبیرآزاد نے وفد کے ہمراہ فلسطینی سفارت خانے میں فلسطینی سفیر سے ملاقات کی جس میں فلسطین کی موجودہ صورت حال پر تبادلہ خیال کیا گیا ۔

(جاری ہے)

جمعرات کو مولانا عبدالخبیرآزاد نے فلسطینی سفیر احمد جواد اے رابی سے ملاقات کی مولانا عبدالخبیرآزاد کے ہمراہ وفد میں چاروں مسالک کے علماء کرام شامل تھے ،ملاقات میں فلسطین کی موجودہ صورت حال پر تبادلہ خیال کیا گیا ۔

مولانا عبد الخبیر آزاد نے کہاکہ فلسطین کا مسئلہ حل نا ہوا تو پوری دنیاء کا امن خطرے میں پڑسکتا ہے، پاکستان اور عالم اسلام کا ہر مسلمان فلسطینیوں کے ساتھ کھڑا ہے۔ انہوںنے کہاکہ حکومت پاکستان، افواج پاکستان اور علماء کرام فلسطینیوں کے ساتھ کھڑی ہے، فلسطین کو آزاد ریاست بنانے کیلئے اقوام متحدہ اور او ائی سی کو اپنا کردار ادا کرنا ہوگا