شاہین شاہ آفریدی بھی شاہد آفریدی کی جلد صحتیابی کے لیے دعاگو

لالا جلد صحت یاب ہوجائیں، آپ پاکستان کا فخر ہیں، ہم پی ایس ایل6 میں آپکی کمی محسوس کریںگے: فاسٹ بائولر کا ٹویٹ

ذیشان مہتاب منگل 25 مئی 2021 12:23

شاہین شاہ آفریدی بھی شاہد آفریدی کی جلد صحتیابی کے لیے دعاگو

لاہور (اردو پوائنٹ تازہ ترین اخبار ۔ 25 مئی 2021ء ) پاکستان کے ممتاز نوجوان فاسٹ بولر شاہین شاہ آفریدی نےسابق ٹیسٹ کپتان اور معروف آل راؤنڈر شاہد خان آفریدی کی جلد صحت یابی کے لیے دعا کی ہے۔ شاہین شاہ آفریدی نے سماجی رابطے کی ویب سائٹ پر کمر کی تکلیف کے سبب دست بردار ہونے والے شاہد آفریدی کو مخاطب کرتے ہوئے کہا کہ’ لالا جلد صحت یاب ہوجائیں، آپ پاکستان کا فخر ہیں اور ہم پی ایس ایل6 میں آپ کی کمی محسوس کریں گے‘۔

(جاری ہے)

دوسری جانب پاکستان کے سابق کپتان اور اپنے دور کے عظیم آل راؤنڈر وسیم اکرم نے بھی شاہد آفریدی کی غیر موجودگی پر افسوس کا اظہار کرتے ہوئے کہا ہے کہ ’اب بڑا سوال یہ ہے کہ نوجوان کرکٹرز کی صلاحیتوں کو کون اجاگر کرے گا‘؟۔

واضح رہے کہ ملتان سلطانز کے سٹار آل راؤنڈر شاہد آفریدی کمر کی انجری کے باعث پاکستان سپر لیگ 6 سے باہر ہوگئے ہیں۔ وہ ابوظہبی میں کھیلے جانے والے لیگ کے بقیہ میچز میں ملتان سلطانز کی نمائندگی نہیں کرپائیں گے۔