پاک آرمی اور رینجرز کے جوانوں نے ٹرین حادثے کی جگہ پہنچ کر امدادی کاموں میں حصہ لیا

پیر 7 جون 2021 13:25

راولپنڈی(اُردو پوائنٹ اخبارتازہ ترین - این این آئی۔ 07 جون2021ء) پاک آرمی اور رینجرز کے جوانوں نے ٹرین حادثے کی جگہ پہنچ کر امدادی کاموں میں حصہ لیا ۔ آئی ایس پی آر کے مطابق ٹرین حادثے کی جگہ پر ریلیف و ریسکیو سرگرمیاں میں آرمی اور رینجرز کے جوانوں نے حصہ لیا ،آرمی اور رینجرز کے جوان ریلیف اور ریکسیو آپریشن میں مصروف رہے ،۔

(جاری ہے)

آئی ایس پی آر کے مطابق ملٹری ڈاکٹرز اور عملہ پنو عاقل سے جائے حادثہ پر ایمبولینسوں کو ساتھ پہنچا،آرمی انجینئرز کی خصوصی ٹیم ہیلی کاپٹر کے ذریعے راولپنڈی سے پہنچی ،خصوصی انجینئرز کی ٹیم نے امدادی کاموں کی رفتار کو مزید تیز کیا ،ملتان سے دو ہیلی کاپٹر زخمیوں کی منتقلی کیلئے روانہ ہوئے ۔

آئی ایس پی آر کے مطابق امداد سامان بھی جائے حادثہ پر پہنچا یا گیا ،زخمیوں کو ہیلی کاپٹر کے ذریعے قریبی ہسپتالوں میں منتقل کیا گیا ۔