پاکستانی نژاد ڈاکٹرعبدالحفیظ نے ‘ممبرآف دی برٹش ایمپائر’ کا اعزاز حاصل کرلیا

بدھ 16 جون 2021 21:07

مانچسٹر(اُردو پوائنٹ اخبارتازہ ترین - این این آئی۔ 16 جون2021ء) پاکستانی نژاد ڈاکٹرعبدالحفیظ نے ممبرآف دی برٹش ایمپائر کا اعزازحاصل کرلیا ، ڈاکٹرحفیظ ایسوسی ایشن آف پاکستانی فزیشنز اینڈ سرجنز کے بانی اورسی ای او ہیں۔

(جاری ہے)

تفصیلات کے مطابق پاکستانی نژاد ڈاکٹر عبدالحفیظ کو میڈیکل کے شعبے میں غیر معنولی خدمات پر ملکہ برطانیہ نے ممبر آف دی برٹش ایمپائر اعزاز سے نواز دیا ، جنرل فزیشن ڈاکٹر عبدالحفیظ کا آبائی تعلق فیصل آباد سے ہے۔

ڈاکٹرحفیظ ایسوسی ایشن آف پاکستانی فزیشنزاینڈسرجنز کے بانی اورسی ای او ہیں اور 10سال سے نارتھ ویسٹ میں بطور جنرل فزیشن خدمات سر انجام دے رہے ہیں جبکہ یونیورسٹی آف مانچسٹر کے میڈیکل سکول میں کلینیکل ٹیوٹربھی رہے۔ڈاکٹر عبدالحفیظ نے بطور پاکستانی ڈاکٹر اس اعزاز کا ملنا باعث فخر قرار دیتے ہوئے کہا کہ ایسوسی ایشن اس وقت دنیا کے مختلف ممالک میں کام کر رہی ہے۔