پشاور ہائیکورٹ نے امیرمقام کی قبل ازگرفتاری ضمانت میں مزید توسیع کردی

بدھ جون 22:56

پشاور (اُردو پوائنٹ اخبارتازہ ترین - این این آئی۔ 16 جون2021ء) نیب کی جانب آمدن سے زائد اثاثہ کیس میں مسلم لیگ (ن) کے صوبائی صدر امیر مقام کی درخواست قبل ازگرفتاری ضمانت کی سماعت جسٹس لعل جان خٹک کی سربراہی میں دو رکنی بینچ کی۔امیرمقام کے وکیل کی جانب سے سماعت ملتوی کرنے کی استدعا پر 13 جولائی تک ضمانت میں توسیع کردی۔۔

(جاری ہے)

میڈیا سے گفتگو میں امیر مقام نے کہا کہ شوگر مافیا سمیت دیگر بڑے بڑے چور باہر ہیں لیکن ہمیں بغیر کسی جرم کے ٹارگٹ کیا جارہا ہے۔

۔امیر مقام کا کہنا تھا کہ عمران خان کے مطابق سب کچھ بہتر ہوا تو پھر پیٹرول ، روٹی، ادویات اور دوسری چیزیں مہنگی کیوں ہو رہی ہیں،پاکستانی قوم کی حالات دن بہ دن بد سے بدتر ہوتی جارہی ہے۔انکا کہنا تھا کہ موجودہ حکومت نے عوام کے لئے کچھ نہیں کیا جبکہ پارلیمنٹ کی تقدس کو پامال کیا۔