امارات میں کوروناکیسوں میں اضافہ،ماسک پہننیں اورویکسین لگوانے کی ہدایت

شہری حفاظتی احتیاطی تدابیر کی پاسداری نہیں کررہے اور غیرذمہ داری کا مظاہرہ کررہے ہیں، ڈیزاسسٹرمینجمنٹ اتھارٹی

جمعرات 17 جون 2021 12:38

امارات میں کوروناکیسوں میں اضافہ،ماسک پہننیں اورویکسین لگوانے کی ..

ابوظہبی(اُردو پوائنٹ اخبارتازہ ترین - این این آئی۔ 17 جون2021ء) متحدہ عرب امارات میں کووِڈ19کے یومیہ کیسوں کی تعداد میں اضافے کے پیش نظرقومی ایمرجنسی کرائسیس اور ڈیزاسسٹرمینجمنٹ اتھارٹی (این سیما)نے شہریوں اورمکینوں کو ہدایت کی ہے کہ وہ وائرس سے بچا ئوکے لیے حفاظتی پروٹوکول کی پاسداری کریں،چہرے پر ماسک پہن کررکھیں اور سماجی فاصلہ اختیار کریں۔

میڈیارپورٹس کے مطابق این سیما نے ایک بیان میں کہا کہ یو اے ای میں شامل تمام امارتوں میں مئی میں عیدالفطرکے بعد سے کووِڈ19 کے کیسوں کی تعداد میں اضافہ دیکھا گیا ۔انہوں نے اس کی بڑی وجہ یہ بیان کی کہ لوگ کروناوائرس کو پھیلنے سے روکنے کے لیے حفاظتی احتیاطی تدابیر کی پاسداری نہیں کررہے ہیں اور غیرذمہ داری کا مظاہرہ کررہے ہیں۔

(جاری ہے)

یو اے ای کے شعبہ صحت کی ترجمان ڈاکٹر فریدہ الحوسنی نے الگ سے ایک بیان میں اب تک ویکسین نہ لگوانے افرد سے اپیل کی کہ وہ کرونا وائرس سے محفوظ رہنے کے لیے دستیاب ویکسینوں میں سے کوئی ایک ویکسین ضرورلگوائیں۔

ڈاکٹرفریدہ الحوسنی کے مطابق اب تک یواے ای میں 16 سال سے زیادہ عمرکی اہل آبادی میں سے 8717 فی صد افراد اور 9952 فی صد ضعیف العمر افراد کو ویکسین لگائی جاچکی ہے۔ان کا کہنا تھا کہ یو اے ای اس وقت کووِڈ19کی وبا سے نمٹنے میں عرب ممالک میں سب سے آگے ہے۔تاہم این سیما کا کہنا تھاکہ کووِڈ19کی نئی شکلیں ان مکینوں کے لیے خاص طورپر خطرناک ثابت ہوسکتی ہیں جنھوں نے ابھی تک ویکسین نہیں لگوائی ہے۔

اتھارٹی نے ایک ٹویٹ میں کہا ہے کہ کووِڈ19کی ویکسینوں اوران کی اس وبا سے نمٹنے کی کاوشوں میں مثرہونے کی جانچ کے لیے محققین سے مل کرمطالعات کیے جارہے ہیں۔اس ضمن میں یو اے ای میں اب تک 400 سے زیادہ سائنسی مطالعات کیے جاچکے ہیں۔ان کے نتائج سے یہ ظاہر ہوا ہے کہ ویکسین کی دونوں خوراکیں لگوانے اورپھرایک تقویتی انجیکشن لگوانے والے افراد اب اس مہلک وائرس کاشکار ہونے کے خطرے سے محفوظ ہوچکے ہیں،بہ نسبت ان لوگوں کے جنھوں نے ابھی تک ویکسین کی کوئی خوراک نہیں لگوائی ہے۔