پی ٹی آئی اراکین خواتین اسمبلی کا مریم صفدر کے تعصب پر مبنی بیان کی شدید مذمت

مریم صفدر کو معلوم ہونا چاہئے ان کے والد نوازشریف نے اپنے سیاہ دورحکومت میں موٹر وے ، ریڈیو اور ٹی وی اسٹیشن اور جناح ائرپورٹ گروی رکھ کرمہنگے قرضے حاصل کئے ، پی ٹی آئی کی حکومت پہلی بار سابقہ حکومتوں کے لئے قرضے واپس کررہی ہے ،ڈاکٹر سیمی بخاری، ڈاکٹر نوشین حامدمعراج و دیگر کی گفتگو

بدھ 23 جون 2021 23:39

لاہور (اُردو پوائنٹ اخبارتازہ ترین - آن لائن۔ 23 جون2021ء) تحریک انصاف کی اراکین قومی اسمبلی ڈاکٹر سیمی بخاری، ڈاکٹر نوشین حامدمعراج ، شنیلاروتھ،ایم پی اے شاہدہ احمدملکہ،وومن ونگ سنٹرل پنجاب کی جنرل سیکرٹری روبینہ شاہین، صدر وومن ونگ جنوبی لاہور نازیہ علی گیلانی ،صدر وومن ونگ شمالی لاہور عائشہ خالد ،سیکرٹری اطلاعات عطیہ سعداور لاہور کینٹ وومن ونگ کی صدرساجدہ فاروق نے مریم صفدر کے تعصب پر مبنی بیان کی شدید الفاظ میں مذمت کی ، مریم صفدر کو وزیراعظم عمران خان پر تنقید کرنے پر شرم آنی چاہئے، مریم صفدر کو معلوم ہونا چاہئے ان کے والد نوازشریف نے اپنے سیاہ دورحکومت میں موٹر وے ، ریڈیو اور ٹی وی اسٹیشن اور جناح ائرپورٹ گروی رکھ کرمہنگے قرضے حاصل کئے ، پی ٹی آئی کی حکومت پہلی بار سابقہ حکومتوں کے لئے قرضے واپس کررہی ہے ،پی ٹی آئی کی خواتین رہنمائوں نے جوہر ٹائون لاہورمیں ہونے والے دھماکے کی مذمت اور قیمتی جانوں کے ضیاع پر گہرے دکھ اور افسوس کا اظہار کیا، تحریک انصاف متاثرہ خاندانوں کے غم میںبرابر کی شریک ہے، دہشتگردی کے خاتمے کے لئے قوم متحد ہے ،دہشتگردی کی جنگ میں پاکستانی عوام نے اپنے جانوں کے نذرانے پیش کیئے ہیں، ملک دشمن قوتوں کو ہر محاذ پر ناکامی کے سواکچھ بھی حاصل نہیں ہوگا