میرا سے جب بھی ملاقات ہو ایسا لگتا ہے جیسے پہلی بار ملی ہوں،کبھی کبھی وہ مجھے پہچاننے سے انکار کردیتی ہیں، نادیہ خان

ایک شو میں میرا نے علی ظفر کیساتھ سکینڈل بنانے کا کہا ، میرے ٹال مٹول کرنے پر خود خود اسٹیج پر پہنچ گئیں ، اداکارہ

منگل 20 جولائی 2021 18:02

میرا سے جب بھی ملاقات ہو ایسا لگتا ہے جیسے پہلی بار ملی ہوں،کبھی کبھی ..

کراچی (اُردو پوائنٹ اخبارتازہ ترین - این این آئی۔ 20 جولائی2021ء) اداکارہ و میزبان نادیہ خان نے اداکارہ میرا کے ساتھ ہوئی دلچسپ ملاقاتوں سے متعلق انکشافات کیے ہیں۔اداکارہ نادیہ خان کا فضاعلی کے شو میں شرکت کے موقع پر لیا گیا ایک انٹرویو کلپ وائرل ہورہا ہے جس میں میزبان نے نادیہ خان سے سوال کیاکہ میرا جی سے متعلق کچھ بتائیے جو آپ کے شو کیلئے آئیں لیکن سٹوڈیو تک نہیں آئیں اور شور شرابہ کرنے کے بعدو اپس چلی گئیں۔

فضاء کے سوال پر نادیہ خان نیاعتراف کیا کہ کہ ایسا ہوا تھا لیکن پھر میرا سے صلح ہوگئی تھی۔نادیہ خان نے کہا کہ میں نے اپنی زندگی میں پہلی بار دیکھا تھا کہ کوئی مہمان شو کے باہر کھڑا یہ کہہ رہا ہو کہ میں یہاں کیوں ہو ںمجھے تو یہاں آنا ہی نہیں تھا۔

(جاری ہے)

اداکارہ نے کہا کہ میرا کو شو میں باقاعدہ معاوضہ دے کر اور ان کے مینیجر سے رابطہ کرنے کے بعد دوسرے شہر سے بلایا گیا تھا لیکن انہوں نے آکر کہاکہ میں کون ہوں،کیوں ہوں، یہاں مجھے تو آنا ہی نہیں تھا۔

نادیہ خان نے کہا کہ میرا کی سب سے بہترین بات یہ ہے کہ ان سے جب بھی ملاقات ہو ایسا لگتا ہے کہ جیسے پہلی بار ملی ہوں، میں ہمیشہ میرا سے ملتی رہی لیکن اس کے باوجود کبھی کبھی میرا مجھے پہچاننے سے انکار کردیتی ہیں۔اداکارہ نے کہا کہ جو ہم کامیڈی کے لیے اتنی محنت کرتے ہیں میرا کے پاس قدرتی طور پر وہ چیز موجود ہے، ہم محنت کرکے ویڈیوز بناتے ہیں تب بھی ہزار وں ویوز ہوتے ہیں لیکن اگر میرا نارمل بات بھی کرلیں تو ملین ویوز آجاتے ہیں۔

نادیہ خان نے بتایا کہ ایک شو پر میرا نے مجھ سے مزید مزے کی باتیں کی، شو جاری تھا اور سپر سٹارعلی ظفر پرفارم کررہے تھے، میرا آئیں اور سوال کیا کہ اس وقت لڑکوں میں سب سے زیادہ ہاٹ کون ہی میں نے علی ظفر کانام لیا تو کہنے لگیں میرا اس کے ساتھ سکینڈل بناؤ اور ابھی اعلان کرو کچھ بھی میرے اور علی ظفر کے بارے میں، میں ابھی جارہی ہوں اسٹیج پر، لیکن جب میں نے ایسا کوئی بھی اعلان کرنے کیلئے ٹال مٹول کی تو وہ خود اسٹیج پر پہنچ گئیں اور علی ظفر کے قریب ہوکر پرفارم کرنے لگیں۔