ٹوکیو اولمپکس، پاکستانی ویٹ لفٹر طلحہ طالب نے شاندار کارکردگی دکھا کر پاکستانیوں کے دل جیت لیے

مقابلے کے دوران ایک موقع پر طلحہ طالب پہلی پوزیشن پر بھی رہے

ذیشان مہتاب اتوار 25 جولائی 2021 19:29

ٹوکیو اولمپکس، پاکستانی ویٹ لفٹر طلحہ طالب نے شاندار کارکردگی دکھا ..

ٹوکیو (اردو پوائنٹ تازہ ترین اخبار ۔ 25 جولائی 2021ء ) اولمپک گیمز میں پاکستانی ویٹ لفٹر طلحہ طالب کی جانب سے شاندار کارکردگی کا مظاہرہ کیا گیا ہے۔ تفصیلات کے مطابق ٹوکیو اولمپکس میں پاکستانی ویٹ لفٹر طلحہ طالب نے شاندار کارکردگی پیش کی تاہم طلحہ 67 کلو گرام کٹیگری میں میڈل نہیں جیت پائے۔ طلحہ طالب نے مجموعی طور پر 320 کلو گرام وزن اٹھا کر 5 ویں پوزیشن پائی، مقابلے کے دوران ایک موقع پر طلحہ طالب پہلی پوزیشن پر بھی رہے، ایونٹ میں چینی ویٹ لفٹر نے 332 کلو گرام وزن اٹھا کر گولڈ میڈل حاصل کیا۔

(جاری ہے)

طلحہ طالب نے سنیچ میں 150 اور کلین اینڈ جرک میں 170 کلو گرام وزن اٹھایا۔

He fell, but stood up and made Pakistan proud, great effort Talha Talib! 👏👏👏 pic.twitter.com/ic6TXdCXWT
— Pakistan Cricket (@TheRealPCB) July 25, 2021

Standing Ovation for our Hero #TalhaTalib
He did his Best, He made us Proud
He is young
He can do wonders in future
Shabash Talha, Hamay Ap Pe Fakhar Hai #PakistanInTokyo2020 pic.twitter.com/ZP5LB55GkP
— Abdul Ghaffar 🇵🇰 (@GhaffarDawnNews) July 25, 2021

اہم بات یہ ہے کہ نامساعد حالات میں بھی طلحہ طالب نے اولمپکس میں شاندار کارکردگی دکھائی جس پر قوم کا سر فخر سے بلند ہوگیا۔ طلحہ طالب کوئی میڈل تو نہ جیت سکے لیکن شاندار مقابلہ کرکے پاکستانیوں کے دل ضرور جیت لیے۔