پروفیسرمختار احمد بٹ ٹی ٹونٹی ٹورنامنٹ ، چار ٹیمیں سیمی فائنل میں داخل

منگل 5 مئی 2026 16:32

لاہور (اُردو پوائنٹ اخبارتازہ ترین - اے پی پی۔ 05 مئی2026ء) پروفیسر مختار احمد بٹ میموریل ٹی ٹونٹی ٹورنامنٹ میں اولڈ راوئینز،یونی سافٹ وئیر پاکستان، نوا میڈ اور سردار گروپ کی ٹیمیں سیمی فائنل مرحلے میں پہنچ گئیں۔پہلاسیمی فائنل اولڈ راوئینز اوریونی سافٹ ویئر پاکستان جبکہ دوسرا سیمی فائنل نوا میڈ اور سردار گروپ کے درمیان کھیلا جائے گا۔

ٹورنامنٹ کے لیگ میچز کے اختتام پر پوائنٹس ٹیبل کے مطابق جن چار ٹیموں نے ٹاپ فور میں جگہ بنائی ۔فارمیٹ کے مطابق ان چار ٹیموں کے درمیان سیمی فائنل میچز کھیلے جائیں گے۔

(جاری ہے)

لیگ میچز مکمل ہونے کے بعد اولڈ راوئنزپہلے نمبر پر جس نے پانچ میچ کھیل کر 10 پوائنٹس حاصل کیے، دوسرے نمبر پر سردار گروپ نے 8 پوائنٹس حاصل کئے،نوا میڈ نے پانچ میچز کے بعد 8پوائنٹس حاصل کئے جبکہ سردار گروپ رن ریٹ کی وجہ سے دوسرے نمبر پر رہا، یونی سافٹ ویئر پاکستان پانچ میچز میں تین جیتے دو ہارے6 پوائنٹس کے ساتھ چوتھے نمبر پر رہی ۔

چیف آرگنائزر فہیم مختار بٹ کے مطابق کھیلے گئے تمام 30 میچز میں دلچسپ مقابلے ہوئے۔کوآپریٹو سطح پر معیاری کرکٹ کے لئے تعداد پر توجہ دینے کی بجائے معیار کو فوکس کیا جاتا ہے ،یہی وجہ ہے کہ ہر ٹیم کو ہمارے کسی بھی ٹورنامنٹ کا انتظار رہتاہے۔