کرکٹ فینز کو افسوس کے ساتھ کہنا پڑ رہا ہے کہ برطانوی کرکٹ ٹیم اکتوبر میں پاکستان نہیں آئے گی، کرسچن ٹرنر

برطانیہ کی سیکورٹی کی بنیاد پر پاکستان کے حوالے سے ٹریول ایڈوائزری میں تبدیلی نہیں آئی،امید ہے پاکستان میں کرکٹ کے میدان جلد آباد ہونگے، گفتگو

منگل 21 ستمبر 2021 23:05

اسلام آباد (اُردو پوائنٹ اخبارتازہ ترین - این این آئی۔ 21 ستمبر2021ء) برطانوی ہائی کمشنر کرسچن ٹرنر نے کہاہے کہ کرکٹ فینز کو افسوس کے ساتھ کہنا پڑ رہا ہے کہ برطانوی کرکٹ ٹیم اکتوبر میں پاکستان نہیں آئے گی۔ میڈیا سے گفتگو کرتے ہوئے انہوںنے کہاکہ کرکٹ ٹیم کے نہ آنے کا فیصلہ انگلینڈ کرکٹ بورڈ کا ہے،کھلاڑیوں کی فلاح کی خاطر کرکٹ بورڈ کو یہ فیصلہ کرنا پڑا ہے ۔

(جاری ہے)

انہوںنے کہاکہ برطانوی ہائی کمیشن نے سیکورٹی وجوہات کی بنیاد پر کرکٹ ٹیم کے دورہ منسوخ کرنے کا مشورہ نہیں دیا،انٹرنیشنل کرکٹ کی پاکستان واپسی کے لیے بھرپور کام کیا۔ انہوںنے کہاکہ برطانیہ کی سیکورٹی کی بنیاد پر پاکستان کے حوالے سے ٹریول ایڈوائزری میں تبدیلی نہیں آئی،امید ہے پاکستان میں کرکٹ کے میدان جلد آباد ہونگے،آخر میں جیت کرکٹ کی ہو گی۔