پاک فوج کے معمر ترین افسر انتقال کرگئے

پاک فوج کے لیفٹیننٹ کرنل سلطان محمد خان مینگل کی عمر 103 سال تھی

سمیرا فقیرحسین پیر 27 ستمبر 2021 10:27

راولپنڈی (اُردو پوائنٹ تازہ ترین اخبار۔ 27 ستمبر 2021ء) : پاک فوج کے معمر ترین افسر انتقال کر گئے۔ تفصیلات کے مطابق پاک فوج کے شعبہ تعلقات عامہ (آئی ایس پی آر ) کی جانب سے جاری بیان کے مطابق لیفٹیننٹ کرنل (ر) سلطان محمد خان مینگل انتقال کرگئے۔ ان کا انتقال آج کوئٹہ سی ایم ایچ اسپتال میں ہوا۔ ڈی جی آئی ایس پی آر کے مطابق لیفٹیننٹ کرنل(ر) سلطان محمد کا انتقال 103 کی عمر میں ہوا۔

Lt Col Sultan Mohammed Khan Mengal(R), Oldest Veteran (103 yrs) of Pak Army passed away @ Quetta. May the departed soul rest in eternal peace.
Col Mengal, a keen soldier & adventurist, climbed, walked, skied, sailed & rowed through all of Pak’s natural terrain on many expeditions
— DG ISPR (@OfficialDGISPR) September 26, 2021

آئی ایس پی آر کی جانب سے جاری بیان کے مطابق لیفٹیننٹ کرنل سلطان محمدخان مینگل پاک فوج سے وابستہ معمرترین افسرتھے، مرحوم بہترین کھلاڑی، بہترین سپاہی اور مختلف کھلیوں میں ریکارڈ ہولڈرتھے۔ لیفٹیننٹ کرنل سلطان محمد بلوچستان کےعلاقےنوشکی سےتعلق رکھتےتھے، لیفٹیننٹ کرنل سلطان نے1941میں برٹش انڈین آرمی میں شمولیت اختیارکی، انہوں نے1942ء میں پانچویں بلوچ(جیکب رجمنٹ)میں کمیشن حاصل کیا، بعد ازاں فرنٹیئرفورس میں شمولیت اختیارکی،انفنٹری اسکول کوئٹہ میں انسٹرکٹررہے ۔

(جاری ہے)

ڈی جی آئی ایس پی آر کی جانب سے جاری بیان میں بتایا گیا کہ مرحوم نے ملک کےتمام قدرتی گزرگاہوں میں مہمات سر کیں، آپ نےپیدل، کوہ پیمائی، کشتی رانی کےذریعہ مہمات سرکیں۔ اس کے علاوہ وہ جیکب رائفلز، ٹوایف ایف گائیڈز، ستلج رینجرز،نادرن اسکاوٹس گلگت کےکمانڈنٹ رہے، آپ 1967ء میں پاک فوج سےلیفٹیننٹ کرنل کےعہدے س ےریٹائرڈہوئے۔ ڈی جی آئی ایس پی آر عاصم افتخار نے لیفٹیننٹ کرنل (ر) سلطان محمد خان مینگل کو خراج عقیدت پیش کرتے ہوئے کہا کہ اللہ تعالیٰ مرحوم کوجواررحمت میں جگہ عطافرمائے۔

یاد رہے کہ اس سے قبل گذشتہ ہفتے سابق کور کمانڈر لیفٹیننٹ جنرل ریٹائرڈ اشفاق ندیم انتقال کر گئے تھے۔ ان کا انتقال 62 سال کی عمر میں ہوا۔اشفاق ندیم چیف آف جنرل اسٹاف اور ڈی جی ایم او کے طور پر فرائض انجام دے چکے ہیں۔