غلط راستے پر نہیں جاؤنگا، اچھا بن کر دکھاؤں گا،آریان کا این سی بی افسر سے وعدہ

این سی بی نے 2 اکتوبر کو ممبئی کے ساحل پر ایک کروز شپ پر ہونے والی پارٹی پر چھاپہ مار کر شاہ رخ کے بیٹے سمیت 8 افراد کو گرفتار کیا تھا

اتوار 17 اکتوبر 2021 15:40

غلط راستے پر نہیں جاؤنگا، اچھا بن کر دکھاؤں گا،آریان کا این سی بی افسر ..

ممبئی (اُردو پوائنٹ اخبارتازہ ترین - این این آئی۔ 17 اکتوبر2021ء) بالی وڈ سپر اسٹار شاہ رخ خان کے بیٹے آریان خان نے نارکوٹکس کنٹرول بیورو (این سی بی) کے افسران سے ایک اچھا انسان بننے اور غلط راستے پر نہ جانے کا وعدہ کیا ہے۔این سی بی نے 2 اکتوبر کو ممبئی کے ساحل پر ایک کروز شپ پر ہونے والی پارٹی پر چھاپہ مار کر شاہ رخ خان کے بیٹے سمیت 8 افراد کو گرفتار کیا تھا۔

(جاری ہے)

عدالت نے آریان خان کی درخواست ضمانت پر سماعت 20 اکتوبر تک ملتوی کی ہے جس کے بعد اب آریان مزید وقت جیل میں گزار رہے ہیں۔ بھارتی میڈیا رپورٹس میں دعویٰ کیا گیا کہ آریان کی جانب سے این سی بی کے زونل ڈائریکٹر سمیر واکھنڈے سے وعدہ کیا گیا ہے وہ ایسا انسان بن کر دکھائیں گے کہ ایک دن آپ مجھ پر فخر کریں گے۔بھارتی میڈیا کے مطابق آریان نے دوران معاشی اور سماجی طور پر کمزور افراد کی مدد کرنے کا بھی وعدہ کیا ہے اور کہا ہے کہ وہ غلط راستے پر اب کبھی نہیں جائیں گے۔