ایف پی سی سی آئی کے صدر کی بزنس نیٹ ورکنگ کی ڈیجیٹل لا ئز یشن کی کو ششو ں کی تعریف

پیر 18 اکتوبر 2021 20:55

کراچی(اُردو پوائنٹ اخبارتازہ ترین - این این آئی۔ 18 اکتوبر2021ء) ایف پی سی سی آئی کے صدر میاں ناصر حیات مگوں نیPAKBIZCOMکے اجراء کو سراہا ہے اور کہا ہے کہ یہ پلیٹ فارم پاکستان کی بی 2 بی کمیونٹی کو دنیا سے جوڑنے کے لیے حیرت انگیز کام کرنے کی صلاحیت رکھتا ہے۔ایف پی سی سی آئی کے صدر نے مزید کہا کہ گزشتہ دہائی کے دوران کاروباری اداروں کے لیے بزنس نیٹ ورکنگ کے طر یقہ کار میں واضح تبدیلی رونما ہو چکی ہے اور پاکستانی کاروباری، صنعتی اور تجارتی برادری کے لیے اپنی ڈیجیٹل موجودگی اور شنا خت کو بنانا اور پھیلانا بالکل لازمی ہے۔

افتتاحی تقریب کے مہمان خصوصی سینیٹر فیصل سبزواری نے کہا کہ وہ پاکستان کی اپنی نوعیت کے پہلے ڈیجیٹل پلیٹ فارم سے متاثر ہیں جو PAKBIZCOM کی شکل میں کاروباری اداروں کے لیے ہے اور اس کے آغاز کو عالمی سطح پر پاکستانی کاروبار کے فروغ کے لیے ایک اچھا شگون سمجھتے ہیں۔

(جاری ہے)

ایف پی سی سی آئی کے نائب صدر حنیف لاکھانی نے کہا کہ وہ پاکستان کی برآمدات کو تیزی سے اور پائیدار انداز میں بڑھانے کے حکومتی وژن میں سہولت کار کردار ادا کرنے کے لیے اس پلیٹ فارم سے پختہ امید رکھتے ہیں۔

انہوں نے مزید کہا کہ یہ ڈیجیٹل پورٹل پاکستانی برآمد کنندگان کے لیے غیر روایتی منڈیوں سے آرڈر کی بنیاد پر برآمدی صنعتوں میں سرمایہ کاری اور مشترکہ منصوبوں میں مدد فراہم کر سکتا ہے۔ انہوں نے خاص طور پر پاکستان کی ایس ایم ایز کی حوصلہ افزائی کی کہ وہ ڈیجیٹل پورٹل کے پیش کردہ مواقع سے بھرپور استفادہ کریں۔حمید شیخ، ایم ڈی PTN نے کہا کہ پاکستان کی شپنگ اور لاجسٹکس کاروباری اداروں کو ڈیجیٹل پورٹل کی نیٹ ورکنگ اور مارکیٹنگ کی خصوصیات سے ضرور فائدہ اٹھانا چاہیے۔

ذیشان عزیز، سی ای او ٹیم ڈیجیٹل نے کہا کہ آنے والے مہینوں میں PAKBIZCOM کی خصوصیات اور فنکشن میں بہت سے اضافے ہوں گے۔ایف پی سی سی آئی تجارتی روابط، ایس ایم ایز کے فروغ، کاروبار میں آسانی، نیٹ ورکنگ اور مارکیٹنگ،جو ائنٹ وینچرز اور تجارتی میلوں اور نمائشوں کے لیے قومی اور بین الاقوامی سطح پر تکنیکی اختراعات اور کاروباری صلاحیتوں کی حمایت جاری رکھے گا۔