حکومتیں عوام کو سبز باغ دکھانے سے نہیں کارکردگی سے چلتی ہیں ، نیئر حسین بخاری

اشیاء ضروریہ لوگوں کی پہنچ سے دور کرنے والے عوامی غیض و غضب سے نہیں بچ سکتے، سیکرٹری جنرل پیپلز پارٹی

جمعہ 22 اکتوبر 2021 15:06

حکومتیں عوام کو سبز باغ دکھانے سے نہیں کارکردگی سے چلتی ہیں ، نیئر حسین ..

اسلام آباد (اُردو پوائنٹ اخبارتازہ ترین - این این آئی۔ 22 اکتوبر2021ء) سیکرٹری جنرل پیپلز پارٹی نیئر حسین بخاری نے کہا ہے کہ حکومتیں عوام کو سبز باغ دکھانے سے نہیں کارکردگی سے چلتی ہیں ۔ اپنے بیان میں نیئر حسین بخاری نے کہاکہ غلط اعداد و شمار سے عوام کو گمراہ تو کیا جا سکتا ہے فوائد سامنے نہیں آتے ،وزیراعظم کی آنکھ دن کو نہیں کھلتی شدید گرانی کا کیسے پتہ چلے ۔

(جاری ہے)

انہوںنے کہاکہ مہنگائی بے روزگاری لاقانونیت پھیلانے والوں کے خلاف قوم میدان میں نکل آئی ہے۔ انہوںنے کہاکہ سرمایہ کاروں اور مالیاتی معاونین کے خرچ پر پلنے والوں کا کیا معلوم عوام الناس مہنگائی سے کس کرب میں مبتلا ہیں ،حکمرانوں کی آنکھوں پر بندھی اقتدار کے نشے کی پٹی جلد اترنے والی ہے ۔ انہوںنے کہاکہ آئینی معاشی انسانی حقوق غصب کرنے والوں کی روانگی قریب ہے،مہنگائی بے روزگاری لاقانونیت پھیلانے والوں کے خلاف قوم میدان میں نکل آئی ہے۔ انہوںنے کہاکہ اشیاء ضروریہ لوگوں کی پہنچ سے دور کرنے والے عوامی غیض و غضب سے نہیں بچ سکتے