آرمی چیف جنرل قمر جاوید باجوہ کا اے کے رجمنٹل سنٹر مانسر کیمپ کا دورہ

لیفٹیننٹ جنرل سرفراز علی کو کرنل کمانڈنٹ اے کے رجمنٹ کے بیجز لگائے

بدھ 1 دسمبر 2021 23:47

آرمی چیف جنرل قمر جاوید باجوہ کا اے کے رجمنٹل سنٹر مانسر کیمپ کا دورہ

راولپنڈی (اُردو پوائنٹ اخبارتازہ ترین - این این آئی۔ 01 دسمبر2021ء) آرمی چیف جنرل قمر جاوید باجوہ نے اے کے رجمنٹل سنٹر مانسر کیمپ کے دورے کے دور ان لیفٹیننٹ جنرل سرفراز علی کو کرنل کمانڈنٹ اے کے رجمنٹ کے بیجز لگائے، آزاد کشمیر رجمنٹ کو بھرپور خراج تحسین پیش کیا ۔

(جاری ہے)

بدھ کو آئی ایس پی آر کے مطابق آرمی چیف جنرل قمر جاوید باجوہ نے آزاد کشمیر ریجمنٹل سنٹر مانسر کیمپ کا دورہ کیا، جہاں آرمی چیف نے یادگار شہداء پر حاضری دی اور فاتحہ خوانی کی، بعدازاں ایک پروقار تقریب کے دوران آرمی چیف جنرل قمر جاوید باجوہ نے کور کمانڈر کوئٹہ لیفٹیننٹ جنرل سرفراز علی کو کرنل کمانڈنٹ اے کے رجمنٹ کے بیجز لگائے، آرمی چیف نے شرکاء سے خطاب کرتے ہوئے آزاد کشمیر رجمنٹ کو بھرپور خراج تحسین کیا، آرمی چیف جنرل قمر جاوید باجوہ کا کہنا تھا کہ اے کے ریجمنٹ کی پیشہ وارانہ مہارتوں، جنگی کارکردگی اور مختلف آپریشنز میں غیر معمولی کارکردگی کی شاندار تاریخ ہے۔