جمائما کی فلم کی پہلی جھلک سامنے آگئی

جمعرات 9 دسمبر 2021 17:11

نیو یارک (اُردو پوائنٹ اخبارتازہ ترین - این این آئی۔ 09 دسمبر2021ء) برطانوی پروڈیوسر اور عمران خان کی سابق اہلیہ جمائما گولڈ اسمتھ کی نئی فلم کی پہلی جھلک سامنے آگئی۔جمائما خان نے ٹوئٹر پر ایک ٹوئٹ ری ٹوئٹ کیا جس میں ان کی فلم ’واٹس لو گاٹ ٹو ڈو وِد اِٹ‘ کی پہلی جھلک شیئر کی گئی تھی۔

(جاری ہے)

پہلی جھلک میں اداکارہ للی جیمز اور اداکار شہزاد لطیف کو ایشیائی طرز کا رنگین لباس زیب تن کئے دیکھا جاسکتا ہے۔

واضح رہے کہ جمائما گولڈاسمتھ کی پروڈکشن میں بننے والی فلم ’واٹس لو گاٹ ٹو ڈو وِد اِٹ‘ کی شوٹنگ لندن میں شروع ہوگئی ہے، فلم ممکنہ طور پر آئندہ برس سینماء گھروں کی زینت بنے گی۔جمائما کی نئی آنے والی فلم میں شہنشاہِ قوالی نصرت فتح علی خان کی قوالی کا تڑکا بھی ہوگا۔فلم کی کہانی کا موضوع متوقع طور محبت اور شادی سے متعلق ہوگا جو لندن اور جنوبی ایشیا کے مابین ہوگا۔