فیصل آباد، 8سالہ طالبعلم واسا کے کھلے مین ہول میں گر کر جاں بحق

10گھنٹے تک جاری سرچ آپریشن کے بعد رات گئے نعش ملی ،اہل علاقہ اور لواحقین کا واسا کے خلاف مین روڈ پر ٹائروں کوآگ لگا کر احتجاج کیا گیا

اتوار 16 جنوری 2022 17:45

فیصل آباد، 8سالہ طالبعلم واسا کے کھلے مین ہول میں گر کر جاں بحق

فیصل آباد(اُردو پوائنٹ اخبارتازہ ترین - آن لائن۔ 16 جنوری2022ء) 8سالہ طالبعلم واسا کے کھلے مین ہول میں گر کر جاں بحق،10گھنٹے تک جاری سرچ آپریشن کے بعد رات گئے نعش ملی ،اہل علاقہ اور لواحقین کا واسا کے خلاف مین روڈ پر ٹائروں کوآگ لگا کر احتجاج ۔آن لائن کے مطابق تھانہ رضا آباد کے علاقہ جواد کلب قریب سیوریج ڈرین کا مین ہول کا ڈھکن نہ ہونے کے باعث صدیق اکبر چوک تلیانوالہ روڈ کے رہائشی بابر ندیم کا آٹھ سالہ بیٹا صداقت علی مین ہول میں گر گیا جس کی تلاش کیلئے ریسکیو1122کی پانچ گاڑیاں جن میں ایک ایمبولینس'واٹر وین'دوموٹرسائیکلوں سمیت پانچ گاڑیاں موقع پر موجود رہی سرچ آپریشن کے 10گھنٹے کے بعد ریسکیو ٹیم نے آپریشن کے دوران رات گئے بچے کی نعش ملی جبکہ واسا حکام اطلاع ملنے کے باوجود جائے وقوعہ پر نہ پہنچ سکے جس کی وجہ سے اہل علاقہ میں شدید غم وغصہ پایا گیا۔

(جاری ہے)

اہل علاقہ کا کہنا ہے کہ واسا کواحکام کو کئی مرتبہ کھلے مین ہول کی اطلاع دی گئی مگر افسوس کہ کوئی نوٹس نہیں لیا گیا ، متوفی صداقت ندیم کے والد بابر ندیم نے درجنوں لواحقین نے محلے داروں کیساتھ ملکر مین روڈ پر روڈ بلاک کرکے احتجاج کیا ، ریسکیو کے افسران اور پولیس نے موقع پر پہنچ کر متوفی کے والد اور محلے داروں سے مذاکرات کرکے ان کویقین دہانی کروائی جس پر وہ منتشر ہوئے۔