لاہور آرٹس کونسل میں ٹیلنٹ شو الحمراء لائیو کا انعقاد ،نوجوان آرٹسٹوں کی بھر پور پرفارمنس

آرٹ کا فروغ مسلسل جدوجہد سے عبارت ہے،الحمراء اپنے مقاصد حاصل کر رہاہے ‘ ایگزیکٹوڈائریکٹر الحمراء

جمعرات 3 فروری 2022 11:35

لاہور آرٹس کونسل میں ٹیلنٹ شو الحمراء لائیو کا انعقاد ،نوجوان آرٹسٹوں ..

کھڈیاں خاص(اُردو پوائنٹ اخبارتازہ ترین - این این آئی۔ 03 فروری2022ء) ایگزیکٹوڈائریکٹر لاہور آرٹس کونسل الحمراء ذوالفقار علی زلفی نے کہا ہے کہ آرٹ کا فروغ مسلسل جدوجہد سے عبارت ہے،الحمراء اپنے مقاصد حاصل کر رہاہے،مربوط و منظم حکمت عملی،شب وروز کی کوششوں سے نوجوانوں کے لئے مواقع پید ا کررہے ہیں،الحمراء لائیو ،ْاپنے ٹیلنٹ کو متعارف کروانے کا ذریعہ ہے۔

(جاری ہے)

انھوں نے کہا کہاگر کوئی بھی نوجوان اپنی صلاحیتوں کا اظہار کرنا چاہتا ہے تو الحمراء آپ کا منتظر ہے۔ ذوالفقار علی زلفی نے کہا کہ الحمراء نوجوانوں کے سنہری مستقبل کا ضامن ہے،باصلاحیت نوجوانوں کاکیئریرسنوارنا ہمار ا نصب العین ہے۔ ترجما ن الحمرا کے مطابق الحمراء لائیو میں نوجوانو ں نے غزل ،گیت،فوک،صوفیانہ کلام و دیگر اصناف میں اپنا ہنر آزمایا،پروگرام کی نظامت نوین روما نے کی،الحمراء کے خوبصورتی سیڑھیوں پر پرفارم کرتے آرٹسٹ ،ْ الحمراء لائیو کی زینت بنے۔