ظ* عوام اپوزیشن کی جانب دیکھ رہے ہیں کہ کوئی ان کے لیے آواز اٹھائے،مریم نواز

] تحریک عدم اعتماد ایسا رسک ہے جو لینا چاہیے، جب محسن بیگ نے آپ کو ایک ارب روپیہ جمع کرکے دیا تب تو وہ اچھے تھے انہوں نے تنقید کی تو آپ نے ان کی دیواریں پھلانگنا شروع کردیں ؁ہم پر صحافیوں نے بے جا تنقید بھی کی ہم نے تو کسی کو نشانہ نہیں بنایا کیا آپ کوئی ایسی شخصیت ہیں جن پر تنقید نہیں کی جاسکتی آپ نے کل ایک ہی جھٹکے میں پیٹرول پر 12 روپے بڑھا دئیے، عوام آپ کو بددعائیں دے رہے ہیں، پیٹرول کی قیمت اضافہ انتہائی شرم کا مقام ہے پاکستان اکیلاکھڑا ہے ،عمران خان نے معیشت ہی تباہ نہیں کی بلکہ خارجہ پالیسی بھی بربادکی آج دوست ملک بھی پاکستان کو منہ لگانے کو تیار نہیں [جب ایکسٹینشن کا ذکر ہوگا تو ضرور جواب دوں گی ابھی یہ سوال قبل از وقت ہے،اسلام آباد ہائی کورٹ میں پیشی کے بعد میڈیا سے گفتگو

جمعرات 17 فروری 2022 19:10

cاسلام آباد(اُردو پوائنٹ اخبارتازہ ترین - آن لائن۔ 17 فروری2022ء) مسلم لیگ (ن)کی مرکزی نائب صدر مریم نواز نے کہا ہے کہ عوام اپوزیشن کی جانب دیکھ رہے ہیں کہ کوئی ان کے لیے آواز اٹھائے جب کہ تحریک عدم اعتماد ایسا رسک ہے جو لینا چاہیے انہوں نے کہا کہ جب محسن بیگ نے آپ کو ایک ارب روپیہ جمع کرکے دیا تب تو وہ اچھے تھے انہوں نے تنقید کی تو آپ نے ان کی دیواریں پھلانگنا شروع کردیں ہم پر صحافیوں نے بے جا تنقید بھی کی ہم نے تو کسی کو نشانہ نہیں بنایا کیا آپ کوئی ایسی شخصیت ہیں جن پر تنقید نہیں کی جاسکتی ان خیالات کا اظہار انھوں نے گزشتہ روز اسلام آباد ہائی کورٹ میں پیشی کے بعد میڈیا سے گفتگو کے دوران کیا انھوں نے کہا کہ عمران خان جس ملک میں جاتے ہیں وہاں دوسرے ملک کی برائیاں شروع کردیتے ہیں، وہ دوسرے ملک سے بنے بنائے تعلقات بگاڑ آتے ہیں، پاکستان کے جن ملکوں سیاچھے تعلقات تھے انہوں نے وہ بھی برباد کردئیے انہوں نے کہا کہ پاکستان اکیلاکھڑا ہے عمران خان نے معیشت ہی تباہ نہیں کی بلکہ خارجہ پالیسی بھی بربادکی آج دوست ملک بھی پاکستان کو منہ لگانے کو تیار نہیں عمران خان براہ کرم غیر ملکی دورے نہ کیا کریں آپ کسی ریاست کے بادشاہ نہیں ہیں یہ چین پیسہ مانگنے گئے تھے اور پیسہ بھی نہیں ملا انہیں فی الحال وزیراعظم ہاؤس کے ایک کمرے میں بند کردینا چاہے لیگی رہنما کا کہنا تھا کہ عمران خان کو روکنا چاہیے اگر جارہے ہیں تو ہاتھ جوڑ کر روکنا چاہیے ایک ایک پائی کا حساب دینا ہوگا لندن بھاگنے کی اجازت نہیں ہوگی انہوں نے مزید کہا کہ تمام اتحادی جماعتوں سمیت سب سے کہتی ہوں عوامی آواز پر لبیک کہنا چاہیے یہ جنگ عوام اور اقتدار کے درمیان ہے مریم نواز کا کہناتھا کہ کل جو ہوا اور جو پچھلے کچھ دن سے دیکھ رہی ہوں اس سے مشرف کے آخری ایام یاد آتے ہیں، مجھے وہ دن یاد آرہا تھا جب ججز اور چیف جسٹس کوبالوں سے پکڑ کر شاہراہ دستور پر گھسیٹا تھا، جب عمران خان کی حالت دیکھتی ہوں تو مشرف کا وہ دور یاد آتا ہے جو اسٹینڈرڈ آپ اپنی اہلیہ کیلئے چاہتے ہیں وہی اسٹینڈرڈ محترمہ کلثوم نواز کیلئے ہونا چاہیے تھا لیکن آپ کے لوگ اسپتال میں گھس گئے تھے، جب میں والدہ کی عیادت کیلئے لندن میں گھر سے اسپتال جارہی ہوتی تھی تو پی ٹی آئی ورکرز کھڑے ہوتے تھے، پی ٹی آئی کے وہ ورکرز مجھے گالیاں نکالا کرتے تھے، پی ٹی آئی کے لوگوں نے میری والدہ ،مجھ پر اور میرے بچوں پر حملہ کیا، کون سے مخالف کی بہو، بیٹی، بہن ماں آپ کے انتقام سے بچی ہے، مجھے بے گناہ ہوتے ہوئے آپ نے ڈیتھ سیل میں ڈالا، میں جب گلگت بلتستان میں مہم چلا رہی تھی تو آپ کے وزرا نے اخلاق سے گری ہوئی تقریریں کیں ان کاکہنا تھاکہ وہ تقریریں جب جب سنی جائیں گی تو ہر عزت دار کا سر شرم سے جھک جائے گا، اس وقت تو خان صاحب ان وزرا کو شاباش دیا کرتے تھے، جو آپ نے کیا وہ آپ کے ساتھ ہوگا، تنقید برداشت کرنے کا حوصلہ رکھیں آپ نے کل ایک ہی جھٹکے میں پیٹرول پر 12 روپے بڑھا دیے، عوام آپ کو بددعائیں دے رہے ہیں، پیٹرول کی قیمت جو بڑھی ہے یہ انتہائی شرم کا مقام ہے، عوام کو سرکاری پیٹرول نہیں ملتا لیکن یہ واحد وزیراعظم ہیں جو عوام کے خرچے پر بنی گالہ سے پی ایم ہاؤس ہیلی کاپٹر پر آتا ہے تحریک عدم اعتماد ایسا رسک ہے جو لینا چاہیے، عوام اپوزیشن کی جانب دیکھ رہے ہیں کہ کوئی ان کے لیے آواز اٹھائے، اگر اپوزیشن اس وقت ردعمل نہیں دکھائیگی توعوام ان کوبھی ذمہ دار ٹھہرائیں گے۔

(جاری ہے)