انتشاری گروہ کا بیج کس نے بویا اور کس نے اسے پروان چڑھایا جاوید لطیف

جمعرات 9 مئی 2024 23:04

اسلام آباد (اُردو پوائنٹ اخبارتازہ ترین - این این آئی۔ 09 مئی2024ء) پاکستان مسلم لیگ (ن )کے رہنما جاوید لطیف نے کہا ہے کہ اس انتشاری گروہ کا بیج کس نے بویا اور کس نے اسے پروان چڑھایا ۔جاری کیے گئے بیان میں مسلم لیگ (ن )کے رہنما جاوید لطیف نے کہا کہ سہولت کار ججوں اور جرنیلوں کے نام بتانے کی ذمے داری ریاست کی ہے۔

(جاری ہے)

انہوںنے کہاکہ تحقیقات کرنے والے سزانہیں دے سکتے تو مجرموں اور سہولت کاروں کے نام ہی بتا دیں۔

مسلم لیگ ن کے رہنما جاوید لطیف نے سوال اٹھایا ہے کہ کس چیز کی پردہ داری ہے، کیسی مجبوری ہی انہوںنے کہاکہ کوئی سمجھتا ہے کہ ریمنڈ ڈیوس کو لے جانے والے قیدی 804 کو لیجائیں گے تو عدالتوں کو تالے لگا دیں۔مسلم لیگ (ن )کے رہنما جاوید لطیف نے کہا کہ عدالتوں کو تالے لگا کر ریاست کے ماتھے پر لکھ دیں کہ ہم غلام ہیں۔