صوابی ،قتل کی دو الگ الگ وارداتوں میں دو افرادجاں بحق ہو گئے

منگل 17 مئی 2022 20:11

صوابی(اُردو پوائنٹ اخبارتازہ ترین - این این آئی۔ 17 مئی2022ء) ضلع صوابی میں قتل کی دو الگ الگ وارداتوں میں دو افرادجاں بحق ہو گئے پولیس تھانہ زیدہ کی رپورٹ کے مطابق زیدہ بائی پاس روڈ پوٹھو ہار نہر کے قریب مقبرے سے ایک نوجوان کی قتل شدہ لاش پولیس نے برآمد کر لی جسے فوری طور پر پوسٹ مارٹم کے لئے باچا خان میڈیکل کمپلیکس شاہ منصور منتقل کر دیا گیا پولیس کے مطابق نوجوان کی شناخت ابراہیم سکنہ ارمڑ پشاور کے نام سے ہوئی اور یہ بھی معلوم ہوا کہ وہ اپنے دیگر ساتھیوں کے ہمراہ موٹر کار کے ذریعے مری جارہے تھے لاش کے ساتھ ان کی موٹر کار بھی برا ٓمد ہوئی ہے ۔

(جاری ہے)

پولیس کے مطابق وجہ قتل اور ملزمان فوری طور پر معلوم نہ ہو سکے ورثاء کے آنے پر ایف آئی آر درج کرائی جائے گی دریں اثناء ایک اور واقعہ میں مراد نامی شخص فائرنگ سے جاں بحق ہو گیا مقتول کی لاش کو پوسٹ مارٹم کے لئے رورل ہیلتھ سنٹر یار حسین منتقل کر دیا گیا تاہم فوری طور پر وجہ قتل اور ملزمان معلوم نہ ہو سکی۔