ایمریٹس نے مفت راؤنڈ ٹرپ ٹکٹ کی آفر کے حوالے سے وضاحت جاری کردی

انہوں نے کہا کہ لوگ ایمریٹس کے آفیشل سوشل میڈیا چینلز کو ایئرلائن سے متعلق معلومات کا ذریعہ بنائیں، ہمارے آفیشل چینلز پر ایمریٹس کا تمام مجاز مواد جاری کیا جاتا ہے اور ہمارے آفیشل سوشل میڈیا اکاؤنٹس پر بلیو ٹک کا نشان لگا ہوا ہے۔ خیال رہے کہ رواں برس جون میں بھی اسی طرح کی ایک جعلی سوشل میڈیا پوسٹ وائرل ہوئی تھی جس میں 10,000 درہم انعام کی پیشکش کی گئی تھی، اس پوسٹ نے لوگوں سے مقابلے میں حصہ لینے کے عوض 10 درہم جیتنے کا لالچ دیا گیا تھا، تاہم متحدہ عرب امارات میں سرکاری اور نجی دونوں ادارے امارات کے رہائشیوں کے لیے بار بار ہدایات جاری کرتے ہیں، جن میں ان سے سائبر فراڈ سے اپنے آپ کو بچانے کے لیے صرف سرکاری اور قابل اعتماد ذرائع سے معلومات حاصل کرنے کے لیے کہا جاتا ہے، علاوہ ازیں حکام اور بینک رہائشیوں کو یہ مشورہ بھی دیتے ہیں کہ وہ سائبر اسکیموں کے ذریعے دھوکہ دہی سے بچنے کے لیے آن لائن رقوم کی منتقلی کے دوران محتاط رہیں۔