پاکستان جونیئر لیگ کو اب ورلڈ جونیئر لیگ کا نام دینا ہے، رمیز راجہ

لاہور (اُردو پوائنٹ اخبارتازہ ترین - این این آئی۔ 01 اکتوبر2022ء) پاکستا ن کرکٹ بورڈ کے چیئرمین رمیز راجہ نے کہا ہے کہ پاکستان جونئیر لیگ ہمارا ایک خاص اور اولین پروگرام ہے، پاکستان جونیئر لیگ کو اب ورلڈ جونیئر لیگ کا نام دینا ہے۔پاکستان کرکٹ بورڈ کے پاتھ وے پروگرام کے معاہدے کی تقریب میں چیئرمین پی سی بی رمیز راجہ اور اسپانسر ادارے کے نمائندے نے دستخط کیے۔

(جاری ہے)

اس موقع پر چیئرمین رمیز راجہ نے کہا کہ ہم نوجوانوں کے لیے ایک پروفیشنل پلیٹ فارم مہیا کرنا چاہتے ہیں، پاتھ وے پروگرام کے سو بچوں کو ماہانہ وظیفہ دیا جائے گا۔پی سی بی کے چیئرمین نے کہا کہ پاتھ وے پروگرام میرے دل کے قریب ہے، اس پروگرام کو ہم نے کامیاب بنانا ہے جس کے لیے سب کی مدد درکار ہے۔انہوں نے کہا کہ آپ نوجوانوں کے لیے اس سے اچھا موقع نہیں ہو سکتا، اس موقع سے فائدہ اٹھاو، فٹنس اور فیلڈنگ پر بھرپور توجہ دو اور خوراک کا خیال رکھو۔رمیز راجہ نے کہا کہ ہمیں تو ایج گروپ میں ایسا موقع کبھی نہیں ملا تھا، ڈاگ آوٹ میں عظیم کھلاڑی ہوں گے ان سے سیکھیں، آپ کے لیے ہیرو بننے کا موقع ہے، خود کو پازیٹو رکھو۔