سہ ملکی ٹی ٹوئنٹی سیریز کے پہلے میچ کے دوران نسیم شاہ کو کچھ کھاتا دیکھ کر سوشل میڈیا پر دلچسپ تبصرے شروع

جمعہ 7 اکتوبر 2022 15:13

کرائسٹ چرچ (اُردو پوائنٹ اخبارتازہ ترین - این این آئی۔ 07 اکتوبر2022ء) سہ ملکی ٹی ٹوئنٹی سیریز کے پہلے میچ کے دوران نسیم شاہ کو کچھ کھاتا دیکھ کر سوشل میڈیا پر دلچسپ تبصرے شروع ہوگئے ۔ تفصیلات کے مطابق نسیم شاہ کو کچھ کھاتا دیکھ کر کسی نے لکھا آگ لگی ہے بستی میں نسیم اپنی مستی میں۔ ایک اکائونٹ سے لکھا گیا کہ لگتا ہے ان کے سارے بل جمع ہو چکے ہیں۔

بنگلادیش کے خلاف میچ میں شائقین کرکٹ نے نسیم شاہ اور شاہین آفریدی کی کمی بھی محسوس کی جس کا اظہار لوگوں نے سوشل میڈیا پر کیا۔

(جاری ہے)

محمد رضوان کی شاندار اننگز پر بھی مداح سوشل میڈیا پر خوش دکھائی دیئے۔ ایک مداح نے محمد رضوان کو ون مین آرمی قرار دے دیا۔سوشل میڈیا پر محمد رضوان کیلئے لکھا گیا کہ وہ جلد بابر اعظم کے سارے ٹی ٹوئنٹی ریکارڈ توڑنے والے ہیں۔واضح رہے کہ پاکستان نے سہ ملکی ٹی ٹوئنٹی سیریز کے افتتاحی میچ میں بنگلادیش کو 21 رنز سے شکست دی تھی۔پاکستان کی جانب سے دیئے گئے 168 رنز کے ہدف کے جواب میں بنگلادیش کی ٹیم 8 وکٹ کے نقصان پر 146 رنز بنا سکی۔میچ میں ناقابل شکست 78 رنز بنانے والے محمد رضوان پلیئر آف دی میچ قرار پائے۔