ّاب وقت ہے ملک چھوڑ کر کہیں اور جائیں‘ہارون شاہد کا شاہ رخ جتوئی کی رہائی پر ردعمل

بدھ 19 اکتوبر 2022 18:10

ظ لاہور (اُردو پوائنٹ اخبارتازہ ترین - آن لائن۔ 19 اکتوبر2022ء) اداکار ہارون شاہد نے بھی شاہ زیب قتل کیس کے فیصلے پر اپنے خیالات کا اظہار کیا ہے۔

(جاری ہے)

ہارون شاہد نے شاہ رخ جتوئی کی رہائی پر سخت ردعمل کا اظہار کرتے ہوئے ٹوئٹر پر لکھا اب وقت آگیا ہے کہ اٹھیں اور ملک چھوڑ کر چلے جائیں، وہ لوگ جو جوان ہیں، تعلیم یافتہ ہیں، برائے مہربانی اپنے بچوں کی خاطر اس ملک سے کہیں اور چلے جائیں۔ ہارون شاہد نے کہا کہ ویسے تو شاہ زیب کے والدین واقعے کے بعد بظاہر بیرون ملک آباد ہوگئے لیکن آج مجھے ان تمام لوگوں کی زندگی کی فکر ہے جنہوں نے اس کیس میں گواہی دی۔انہوں نے ایک اور ٹوئٹ میں یہ بھی لکھا کہ ہم سب جیل چلے جاتے ہیں، جیل خالی جو ہورہے ہیں۔