کل لاہور میں پنجاب سٹریٹ موومنٹ کا لائحہ عمل دوں گا، سہیل آفریدی

پنجاب پر مسلط ناجائز حکومت اور ہینڈلرز کی جانب سے تحریک انصاف کے کارکنان پر ایسا ظلم کیا جا رہا ہے جو سن کر ہر مسلمان شرمسار ہے، کل لاہور میں اشتیاق شہید کے گھر جاؤں گا؛ وزیراعلیٰ خیبرپختونخواہ کا بیان

ساجد علی اتوار 13 ستمبر 2026 20:12

کل لاہور میں پنجاب سٹریٹ موومنٹ کا لائحہ عمل دوں گا، سہیل آفریدی

پشاور (اُردو پوائنٹ اخبارتازہ ترین۔ 13 ستمبر 2026ء) تحریک انصاف کے کارکن اشتیاق احمد کی شہادت کے واقعے پر وزیراعلیٰ خیبرپختونخواہ سہیل آفریدی نے شدید ترین ردعمل دیتے ہوئے ریاستی مشینری کو آڑے ہاتھوں لیا ہے۔ اس حوالے سے سوشل میڈیا پلیٹ فارم ایکس پر جاری کیے جانے والے اپنے بیان میں سہیل آفریدی نے کہا کہ پنجاب میں مسلط کردہ حکومت اور ان کے ہینڈلرز کے مظالم نے حدیں پار کر دی ہیں، عید میلاد النبی ﷺ کی تیاریوں میں مصروف کارکنان پر غیر قانونی چھاپوں کے دوران پارٹی ورکر اشتیاق احمد کو مبینہ طور پر گرم تیل کے کڑاہی میں گرایا گیا، جو جان لیوا ثابت ہوا۔

سہیل آفریدی نے اعلان کیا ہے کہ وہ کل لاہور میں اشتیاق شہید کے گھر تعزیت کے لیے جائیں گے، متاثرہ خاندان کے غم میں شرکت کے ساتھ ہی لاہور میں ہی پنجاب اسٹریٹ موومنٹ کا باضابطہ اور فیصلہ کن لائحہ عمل دیا جائے گا، جس سے 27 ستمبر کے احتجاج سے قبل حکومتی اعصاب کا کڑا امتحان ہوگا۔

(جاری ہے)

پنجاب پر مسلط کی گئی ناجائز حکومت اور ان کے ہینڈلرز کی جانب سے تحریک انصاف کے کارکنان پر ایسا ظلم کیاا جا رہا ہے جو سن کر ہر مسلمان شرمسار ہو رہا ہے- لاہور میں عید میلاد النبی ﷺ کی تیاری کرتے ہوئے تحریک انصاف کے ورکرز کے خلاف غیرقانونی چھاپے اور پکڑ دھکڑ کے دوران ہمارے سینئیر…
— Sohail Afridi (@SohailAfridiISF) September 13, 2026

خیال رہے کہ 12 ربیع الاول کے روز عید میلادالنبی ﷺ کے موقع پر مبینہ پولیس ریڈ کے دوران کھولتے ہوئے تیل کی کڑھائی میں گر کر شدید جھلسنے والے پاکستان تحریک انصاف کے سرگرم ورکر اشتیاق خان 18 روز تک میو ہسپتال میں زندگی و موت کی کشمکش میں رہنے کے بعد انتقال کرگئے۔

پی ٹی آئی رہنما زبیر خان نیازی کی جانب سے سوشل میڈیا پر جاری کردہ بیان میں کہا گیا کہ اشتیاق خان 12 ربیع الاول کو پیش آنے والے اس دلخراش واقعے میں شدید زخمی ہوئے تھے، جنہیں علاج کے لیے میو ہسپتال منتقل کیا گیا تھا، ڈاکٹرز کی طویل کوششوں کے باوجود وہ جانبر نہ ہو سکے اور زخموں کی تاب نہ لاتے ہوئے خالقِ حقیقی سے جا ملے۔

انا للہ وانا الیہ راجعون
اشتیاق بھائی جو میلادالنبی کے روز پولیس دھاوا کے باعث کھولتے تیل سے جھلس گئے تھے، میو ہسپتال داخل تھے، زخموں کی تاب نہ لاتے ہوئے آج اپنے خالق حقیقی سے جا ملے۔ اللہ پاک انکو غریق رحمت کرے، گھر والوں کو صبر عطا کرے اور پاکستان سے ظلم کا خاتمہ فرما دے۔ آمین pic.twitter.com/Y9XyYytplv
— Zubair Khan Niazi (@zubairniazi) September 13, 2026